Ditaba Tša Pušo Ya Modimo

Afrika Borwa: Re thabela go tsebiša ka go neelwa ga Holo e mpsha ya Mmušo bakeng sa e nngwe le e nngwe ya diphuthego tše di latelago: Bosplaas (leboa la Pretoria), Hoekfontein (leboa la Pretoria), Ntuzuma (KwaMashu), Padfield Park (Pinetown), Reiger Park (Boksburg) le Wellington. Diphuthego tša Elsiesrivier (Cape Town) le tšona di thabetše go neelwa ga Holo ya tšona ya Mmušo yeo e mpshafaditšwego. Baithapi ba makgolo ba thušitše mošomong meagong ye. Re rata go ba leboga ka moka bakeng sa thekgo ya bona e botse. Go fihla ga bjale, go neetšwe Diholo tše 19 tša Mmušo bakeng sa 1993.

Lesotho: Bagoeledi bao ba begilego ka April ba fihleletše palo-moka ya 1895, yeo e bilego koketšego ya 19 lekgolong go feta palo-gare ya ngwagola.

Madagascar: Go fetilwe tlhora ya 5000 ka May ka bagoeledi ba 5013 bao ba begilego.