Ditsebišo
◼ Dipuku tšeo di tlago go sepedišwa ka November: Beibele—Na ke Lentšu la Modimo Goba la Motho? ka moneelo wa R3,00. December: Motho yo a Phagamego Kudu yo a Kilego a Phela ka moneelo wa R9,00. January: Go Tsoma ga Batho Modimo ka moneelo wa R4,50. February: O ka Phela ka mo go sa Felego Paradeiseng mo Lefaseng ka moneelo wa R9,00. Dipuku tše dinyenyane ke R4,50.
◼ KGOPOTŠO: Hle kgonthišetša gore o hwetša petšhe ya gago ya Kopano ya Selete ya “Thuto ya Modimo” nako e sa le gona. Mogoeledi yo mongwe le yo mongwe o swanetše go e apara nakong ya kopano, e lego yeo e tlago go go hlaola o le yo mongwe wa Dihlatse tša Jehofa. Se gape se tla dira gore go kgonege gore baemedi ba moše wa mawatle bao ba tlilego dikopanong tše nne tša ditšhaba-tšhaba ba go tsebe, e lego seo se tlago go feleletša ka segwera seo se agago le banababo rena bao ba etetšego.
◼ Go mongwaledi le mohlankedi wa tša ditšhelete: Ditšheke tšeo di lefelwago go Mokgatlo di swanetše go ngwalwa Watch Tower Society e le yona e di amogelago e sego WTB & TS, ka ge panka e ka se kgone go tseba gabotse yo a di amogelago. Gape, ge go dirwa diphošollo godimo ga tšheke, hle dirang gore basaeni ka bobedi bao ba kgethilwego ba saene ka BOTLALO go e na le go fo thoma phetošo fase.
◼ HLE HLOKOMELANG: Matšatši a kopano ya selete ya Bloemfontein a fetošeditšwe go December 23-26, 1993. Lefelo le lona le fetošitšwe. Kopano bjale e tla swarelwa Lepatlelong la Springbok Park Cricket leo le lego kgaufsi le Lepatlelo la Rugby.
◼Re rulaganyetša go ba le lenaneo la letšatši le tee ka Sepedi ka Sontaga kopanong ya selete ya December 23–26, 1993 ya Kanyamazane. Bagoeledi lege e le bafe bao ba bolelago Sepedi lefelong le ba kgothaletšwa go ba gona. Re sa dutše re tla ba le lenaneo leo le feletšego ka se-Zulu bjalo ka ge go tsebišitšwe pele.
◼ Matšatši a kopano ya selete ya Gaborone, Botswana, a fetošeditšwe go December 16-19, 1993. Kopano ye bjale e tla swarelwa Yunibesithing ya Botswana lefelong la kgale la bojelo le Holong ya Student Union.
◼ Dikhasete tše Difsa tša Video Tšeo di Lego Gona:
Seisemane: The Bible—Accurate History, Reliable Prophecy (phuthego le batho bohle: R45,00; babulamadibogo: R40,00).