Diboka Tša Tirelo Tša November
Beke e Thomago ka November 1
10 mets:Ditsebišo tša phuthego le Ditsebišo tšeo di kgethilwego go tšwa go Tirelo ya Rena ya Mmušo. Reta bagoeledi bakeng sa karolo yeo ba bago le yona modirong wa go bolela ka Mmušo.
10 mets:“Ditoro,” puku ya Go Boledišana, matlakala 168-9. E swanetše go swarwa e le poledišano le morutwana wa Beibele. Morutwana o botšiša mabapi le bohlale bja go hlahlwa ke ditoro tša rena. Hlalosa kotsi ya se, kamoo e ka re bakelago go ba bahlaselwa ba dikgopolo tša lefase le batemona ka gona. Bontšha bohlokwa bja go hlahlwa ke melao ya motheo ya Lentšu la Modimo.
10 mets:Tše di nyakegago tša phuthego goba “Poledišano—Ga se Feela go fo Bolela.” Polelo yeo e theilwego dihlogong tše di lego ka go Morokami wa August 1, 1993, matlakala 3-8.
15 mets:“Mohola wa Beibele Lefaseng la Mehleng Yeno.” Poledišano magareng ga molebeledi wa tirelo le mogoeledi yo a kganyogago go kaonefatša bokgoni bja gagwe modirong wa ntlo le ntlo. Ka morago ga go ahla-ahla serapa 3 molebeledi wa tirelo o kgopela mogoeledi gore a leke thero yeo e šišintšwego, molebeledi wa tirelo a dira e le mong wa ntlo. Ka morago ga go ahla-ahla serapa 4, molebeledi wa tirelo o nea thero yeo e šišintšwego go mogoeledi. Kgothaletša phuthego go thuša batho bao ba thabelago le barutwana ba Beibele go lemoga mohola wa New World Translation.
Kopelo 52 le thapelo ya go phetha.
Beke e Thomago ka November 8
10 mets:Ditsebišo tša phuthego. Bontšha thero ya go sepediša dimakasine tša gona bjale, go bolelelwa sehlogo seo se ka dirišwago tirelong ya tšhemo mafelo-bekeng a. Lebiša tlhokomelo go “Kgwedi e Kgethegilego Bakeng sa Tirelo ya Tšhemo” pampiring ya ka gare gomme o laletše bohle go naganišiša ka kgonagalo ya go oketša tirelo ya bona ya tšhemo ka December e le babulamadibogo ba thušago, goba ka go šoma le babulamadibogo.
15 mets:“Puku Yeo e Neago Tlhahlo ya Kgonthe.” Poledišano ya sehlogo ka dipotšišo le dikarabo. Bontšha leeto la go boela leo le ngwadilwego go serapa 3. Kgothaletša bohle gore ba bontšhe phišego mabapi le mohola wa kgonthe wa Beibele ge ba bolela le batho modirong wa ntlo le ntlo le ge ba dira maeto a go boela.
20 mets:“Bafsa—Thabišang Pelo ya Jehofa.” Mogolo o ahla-ahla dirapa 1-18 le bagoeledi ba babedi goba ba bararo ba e lego bafsa bao ba kolobeditšwego. Gatelela mehola yeo bafsa ba e bunago ka mohlala wa bona o mobotse le mohola wa dihlogo tša “Bafsa ba a Botšiša . . . .” Hlalosa ditemana ge e ba nako e dumela.
Kopelo 80 le thapelo ya go phetha.
Beke e Thomago ka November 15
10 mets:Ditsebišo tša phuthego go akaretša le pego ya tša ditšhelete le ditebogo tša meneelo. Reta phuthego bakeng sa go thekga phuthego ya lena gotee le Sekhwama sa Mokgatlo sa Diholo tša Mmušo le modiro wa lefase ka bophara wa Mokgatlo ka tša ditšhelete. Hlalosa dithulaganyo tša tirelo ya tšhemo bakeng sa sehla seo se batamelago sa maikhutšo sa lefase.
15 mets:“Go Hlokomela Dinyakwa tša Moya tša Difoa.” Dipotšišo le dikarabo. Ge e ba go se na ditho tša phuthego tša difoa, lebiša tlhokomelo tabeng ya go se hlokomologe difoa tšeo di hwetšwago tšhemong.
20 mets:“Bafsa—Thabišang Pelo ya Jehofa.” Poledišano ya dipotšišo le dikarabo ya dirapa 19-33 tša pampiri ya ka gare. Boledišana le mogoeledi o tee goba ba babedi bao e lego bafsa. Hwetša ditlhaloso mabapi le kamoo phuthego e thušitšego ka gona tšwelopeleng ya bona ya moya.
Kopelo 90 le thapelo ya go phetha.
Beke e Thomago ka November 22
10 mets:Ditsebišo tša phuthego le Ditaba tša Pušo ya Modimo. Kgothaletša go dirišwa ga dimakasine tša gona bjale go neeng bohlatse mafelo-bekeng a.
15 mets:“Thušang Barutwana ba Beibele go Lokišetša Thuto ya Bona.” Dipotšišo le dikarabo. Bala dirapa ge e ba nako e dumela.
20 mets:“Na o Bea Mabaka ka Mangwalo?” Poledišano ka dipotšišo le dikarabo ka ngwanabo rena yo a atlegago modirong wa ntlo le ntlo le wa maeto a go boela. Ka morago ga go ahla-ahla serapa 4, bontšha kamoo mogoeledi a ka bolelelago goba a tsopola temana ka hlogo ka gona ge mong wa ntlo a swaregile. Ka morago ga pontšho, gatelela bohlokwa bja go latela tšhišinyo ye ge re dutše re katanela go “bolela lentšu” tšhemong yeo batho ba bantši kudu ba dulago ba swaregile goba ba nweletše ditabeng tša letšatši le letšatši. (2 Tim. 4:2, NW) Ka morago ga go ahla-ahla serapa 6, bitša mogoeledi yo a atlegago ka go diriša puku ya Go Boledišana gore a anege kamoo a e dirišago ka gona go neeng bohlatse.
Kopelo 108 le thapelo ya go phetha.
Beke e Thomago ka November 29
10 mets:Ditsebišo tša phuthego. Kgothaletša bao ba ka kgonago gore ba tsenele bobulamadibogo bja go thuša ka December.
15 mets:“Beibele—Tlhahlo e Holago Bakeng sa Motho wa Mehleng Yeno.” Polelo ka hlogo ya lapa, yeo e theilwego sehlogong se se lego ka go Morokami wa May 1, 1993. Gatelela gore go diriša melao ya motheo ya Beibele go ka godiša moya wa khutšo le wa lerato wa lapa. Hwetša tlhaloso e tee goba tše pedi tšeo di lokišeditšwego go tšwa go batheetši tšeo di bontšhago kamoo keletšo e tšwago Lentšung la Modimo e thušitšego lapa goba motho ka o tee ka gona.
20 mets:Go Diriša Puku ya Motho yo a Phagamego go Thuša Bao ba Swanago le Dinku ka December. Poledišano le batheetši. Botšiša dipotšišo tše bjalo ka: Ke pego efe e tee mabapi le bodiredi bja Jesu goba ditirišano tša gagwe le ba bangwe yeo e go kgahlilego kudu? Ke ka baka la’ng pego ye e go kgahlile? Puku ye e bile le mohola ofe go wena? O ithutile’ng ka Jehofa ka go ithuta yona? Ke (di)ntlha efe yeo o e boleletšego ge o be o e sepediša? Dira gore mogoeledi yo a nago le phihlelo a bontšhe thero ya puku. Kgothaletša bohle go ba le karolo tirelong ya tšhemo ka Sontaga.
Kopelo 94 le thapelo ya go phetha.