Ditaba Tša Pušo Ya Modimo

Afrika Borwa: Phuthego ya Spruitview ka borwa-bohlabela bja Johannesburg e tloga e leboga Holo ya yona e mpsha ya Mmušo yeo e neetšwego ka August 22, 1993. Ye ke e tee go meago e senyane yeo e agilwego ka lebelo ke Komiti ya tša Meago ya Tikologo ya Witwatersrand bakeng sa 1993.

Cameroon: Go fihleletšwe tlhora e mpsha ya bagoeledi ba 18 810 ka June, gomme go bile le ba 84 bao ba kolobeditšwego kgweding yeo.

Côte d’Ivoire: Bagoeledi bao ba begilego ka June ba dirile palo-moka ya ba 4330, e lego tlhora ya bona ya botshelela ngwageng o fetilego wa tirelo.

Italy: Go begilwe tlhora e nngwe ya bagoeledi ka June go e-na le ba 198 179 bao ba ilego tirelong ya tšhemo. Go ile gwa bopja diphuthego tše difsa tše 22 kgweding yeo.

São Tomé le Príncipe: Ka June 30 lekgotla le ile la hlongwa ka molao gomme la bula mojako bakeng sa modiro o mogolo. Bagoeledi ba 100 bao ba begilego kgweding yeo ba emela koketšego ya 43 lekgolong go feta palo-gare ya ngwagola.

Uruguay: Go fihleletšwe tlhora e mpsha ya bagoeledi ba 9093 ka June.