Ditsebišo
◼ Mpho ya dipuku ka January: Go Tsoma ga Batho Modimo ka moneelo wa R4,50. February: O ka Phela ka mo go sa Felego Paradeiseng mo Lefaseng ka moneelo wa R9,00. Dipuku tše dinyenyane ke R4,50. March: Dipotšišo tša Bafsa le Dikarabo tše Šomago ka moneelo wa R4,50. April le May: Peeletšo ya Morokami ka moneelo wa R19,00 bakeng sa dikgatišo tša gabedi ka kgwedi. Peeletšo ya ngwaga bakeng sa dikgatišo tša gatee ka kgwedi goba peeletšo ya dikgwedi tše tshelelago bakeng sa dikgatišo tša gabedi ka kgwedi ke R9,50.
◼ Diphuthego di swanetše go dira dithulaganyo tše di swanetšego bakeng sa Segopotšo, seo se tlago go binwa lenyaga ka Mokibelo, March 26, ka morago ga ge letšatši le sobetše. Lege go kganyogwa gore phuthego e nngwe le e nngwe e bine monyanya wa yona wa Segopotšo, fela se ka mehla e ka ba seo se sa kgonegego. Moo diphuthego tše dintši ka mehla di dirišago Holo e tee ya Mmušo, e ka ba mo go botse gore phuthego e tee goba tše oketšegilego di hwetše lefelo le lengwe bakeng sa go le diriša mantšiboeng ao. Segopotšo ga se sa swanela go thoma bošego kudu mo batho bao ba sa tšwago go thabela ba hwetšago ba palelwa ke go ba gona go sona. Gape, diboka ga se tša swanela go latelana kudu mo go ka hlokwago nako ya go dumediša baeng pele ga monyanya goba ka morago ga wona, go dira dithulaganyo tša thušo e tšwelago pele ya moya bakeng sa ba bangwe, goba ya go kgothatšana mo go tlwaelegilego gare ga bohle bao ba lego gona. Bagolo ka morago ga go ahla-ahla ditaba ka moka, ba swanetše go dira phetho ka ga dithulaganyo tšeo di tlago go thuša gabotse bohle bao ba lego gona Segopotšong gore ba holwe ka botlalo ke tiragalo ye.
◼ Go thoma ka February gomme e sego ka morago ga March 6, polelo e mpsha ya phatlalatša ya balebeledi ba tikologo e tla ba yeo e rego “Go Fegelwa ga Batho—Go tla Fela Neng?”
◼ Polelo e kgethegilego ya phatlalatša bakeng sa nako ya Segopotšo sa 1994 e tla neelwa lefaseng ka bophara ka Sontaga, April 10. Sehlogo sa polelo e tla ba “Na Bodumedi bo Nyamiša Lekoko la Batho?” Go tla newa thulaganyo ya polelo. Diphuthego tšeo di nago le ketelo ya molebeledi wa tikologo, kopano ya tikologo goba letšatši le le kgethegilego la kopano mafelo-bekeng ao di tla ba le polelo e kgethegilego bekeng e latelago. Ga go na phuthego yeo e swanetšego go ba le polelo e kgethegilego pele ga April 10.
◼ April 9, 1994 e kgethilwe gore e be Letšatši le le kgethegilego la Dimakasine. Nywageng e mene e fetilego, banababo rena ba dikete-kete ba thabetše go tšea karolo medirong ya Letšatši le le kgethegilego la Dimakasine. Ke ka baka la’ng o sa thome go rulaganya gona bjale e le gore o be le karolo e tletšego lenyaga? Diphuthego di kgothaletšwa gore di romele diotara tše di kgethegilego tša dimakasine kapejana ka mo go kgonegago.
◼ HLE HLOKOMELANG: Ge le leletša Mokgatlo mogala, hle dulang le gopola dilo tše di latelago: (1) Ka ntle ga mabaka a tšhoganetšo goba ditaba tše dingwe tše di akgofilego, hle megala ya gago yeo o e leletšago ditho tša lapa la Bethele e letše ka morago ga diiri tša mošomo ka ge megala ya rena e dula e šoma kudu mosegare. (2) Ge o letša mabapi le bothata goba potšišo, hle bolela gabotse moo o letšago o le gona le taba yeo o ratago go e ahla-ahla. Ga re kgothaletše banababo rena go akaretša le bagolo gore ba kgopele ngwanabo rena yo a itšego ka leina, ka ge a ka ba a abetšwe lehlakoreng le lengwe goba mo gongwe a ka se ke a hwetšwa gore a thuše. Yo a amogelago megala o tla kgona go go fetišetša lehlakoreng le le swanetšego. Hle leka gore dipoledišano tša gago e be tše kopana ka mo go kgonegago gore go bolokwe nako e bohlokwa. (3) Ge e ba o e-na le bothata bja gago bjoo o tla ratago go bo ahla-ahla, hle bo ahla-ahle le bagolo ba phuthego ya geno pele, pele o leletša Mokgatlo. Bagolo ba boemong bjo bo kaone kudu bja go go thuša ka dipotšišo goba mathata. Ka ntle lege e le taba e akgofilego, re kgothaletša banababo rena KA MOKA go akaretša le bagolo, gore ba upje ba ngwale lengwalo leo le hlalosago bothata. Re tla thabela go hlokomela taba yeo kapejana. (Hle bona Letlolo la Dipotšišo ka go Tirelo ya Rena ya Mmušo, December 1992, letlakala 5.)
◼ Dipuku tše Difsa Tšeo di Lego Gona:
Segerika: New World Translation of the Christian Greek Scriptures (phuthego le batho bohle: R4,50; babulamadibogo: R3,00). Seisemane: Watch Tower Publications Index 1991-1992 (phuthego le batho bohle: R2,50; babulamadibogo: R1,50). Sepotokisi: Di-bound volume tša Watchtower tšeo di gatišitšwego gape go tloga ka 1974-77 (phuthego, batho bohle le babulamadibogo: R18,00). Se-Venda: Elementary Bible Teachings. Ye ke pukwana ya matlakala a 64 yeo e nago le dipotšišo tša kolobetšo tše di tšwago pukung ya Bodiredi bja Rena. E swanetše go newa feela bagoeledi bao ba kolobeditšwego le bao ba sa kolobetšwago. (Phuthego, batho bohle le babulamadibogo: disente tše 45).