Diboka Tša Tirelo Tša January
Beke e Thomago ka January 3
10 mets: Ditsebišo tša phuthego le Ditaba tša Pušo ya Modimo. Ka boripana gatelela dintlha tše di itšego dimakasineng tša gona bjale tšeo di tlago go ipiletša bathong ba tšhemong ya geno.
15 mets: Bokamoso bja Lefase ke Bofe? E theilwe pukung ya Go Boledišana, matlakala 232-7. (5 mets.) Polelo ye e akaretšago dintlha tše di lego ka tlase ga dihlogwana tše di thomago go matlakala 232 le 233 gomme e akaretša taba go fihla bogareng bja letlakala 234. (7 mets.) Mogoeledi yo mofsa le mogoeledi yo a gotšego ka tsebo le yo a nago le phihlelo ba ahla-ahla tsebišo yeo e lego go matlakala 234-6. Metswalo ya lefase ya mogoeledi yo mofsa e tsošitše kgang ya gore Beibele e bontšha gore lefase le tla fedišwa. Mogoeledi yo mofsa o kgopela thušo ya mogoeledi yo a nago le phihlelo kudu go kwešišeng ditemana tša Beibele ka lefase. (3 mets.) Ge o ruma, ahla-ahla potšišo yeo e lego go letlakala 236 e rego “Ke batho ba mohuta ofe bao Modimo a tlago go ba nea bophelo bjo bo sa felego lefaseng?” Kgothaletša bohle gore ba katanele go swanelegela tokelo e bjalo yeo e šegofaditšwego.
20 mets: “Go Thuša ba Bangwe go Lemoga Bohlokwa bja Puku ya Go Tsoma ga Batho Modimo.” Ahla-ahla sehlogo le phuthego. E-ba le dipontšho tše kopana ka morago ga dirapa 3 le 4.
Kopelo 116 le thapelo ya go phetha.
Beke e Thomago ka January 10
10 mets: Ditsebišo tša phuthego le Ditsebišo tšeo di swanetšego go tšwa go Tirelo ya Rena ya Mmušo.
20 mets: “Go Boela Bakeng sa go Aga Tebogo.” Poledišano le batheetši. Bontšha go dirwa ga leeto la go boela mothong yoo a amogetšego puku ya Go Tsoma ga Batho Modimo, o diriša ditšhišinyo tše di lego go dirapa 3 le 4.
15 mets: Hlama Bana ba Gago Bakeng sa Ngwaga o Mofsa wa Sekolo. Polelo ka mogolo yeo e theilwego poroutšheng ya Sekolo, matlakala 3, 30 le 31. Thuša batswadi go lemoga go nyakega ga go hlama bana ba bona bakeng sa ditlhohlo tšeo ba tlago go gahlana le tšona sekolong. Bontšha kamoo go lego bohlokwa ka gona go batswadi gore ba tlwaelane le barutiši ba bana ba bona. Go begilwe gore batswadi ba bangwe ga se ba hlwa ba bona e le mo go nyakegago gore bana ba lokollwe diklaseng tša thuto ya bodumedi, moo tokišetšo ye e dirilwego ka molao. Tabeng ye, ke gabohlokwa go etela hlogo ya sekolo ka bowena gomme o ye le kgopelo ye e ngwadilwego ya go kgopela go lokollwa. E-ba le pontšho e kopana yeo e lokišeditšwego gabotse ya motswadi a ahla-ahla letlakala 3 la poroutšha ya Sekolo le morutiši. Motswadi o ruma ka go nea morutiši kopi ya poroutšha ya Sekolo.
Kopelo 154 le thapelo ya go phetha.
Beke e Thomago ka January 17
10 mets: Ditsebišo tša phuthego le pego ya tša ditšhelete. Akaretša le ditebogo tša meneelo. Leboga go thekga ga bagoeledi mešomo ya Mokgatlo gotee le ya phuthego ka tša ditšhelete.
20 mets: “Go Šoma Tšhemo Yeo e Akaretšwago Leboelela.” Kakaretšo ka dipotšišo le dikarabo ye e swerwego ke molebeledi wa tirelo. Diphuthegong tšeo tšhemo ya tšona e akaretšwago leboelela, bontšha pontšho ya a mangwe a matseno a puku ya Go Boledišana ao a bontšhitšwego go dirapa 4 le 5 gotee le matseno a mangwe a swanetšego a ka bago a tšerwe go dirapa 6 le 7 goba a lokišeleditšwego tšhemo ya lena ka mo go kgethegilego. Diphuthegong tšeo di sa akaretšego tšhemo ya tšona leboelela, matseno a mangwe a swanelago a tšwago pukung ya Go Boledišana a swanetše go bontšhwa dipontšhong. Dipontšho e swanetše go ba tšeo di boeleditšwego gabotse.
15 mets: Na o Itokišeditše go Lebeletšana le Boemo bjo bo Hlohlago Tumelo bja tša Kalafo? Polelo ye e šišinyago ka mogolo yo a swanelegago go thuša banababo rena go lemoga mohola wa tšhireletšo wa karata ya Advance Medical Directive/Release, a diriša dintlha tše di tšwago go dirapa 1-3 tša pampiri ya ka gare ya Tirelo ya Rena ya Mmušo ya June 1992. Dira gore dikarata tše difsa di abelwe bagoeledi bao ba kolobeditšwego feela, ke moka o ahla-ahle lengwalo la October 15, 1992, le le bolelago ka go tlatšwa ga dikarata. Eletša banababo rena gore ba SE KE ba tlatša dikarata mantšiboeng a lehono eupja ba ye le tšona gae, gomme ba naganišiše bohlokwa bja tšona ka thapelo, ka morago ba di tlatše. Eupja O SE KE WA SAENA karata ka nako yeo. E-tla le karata yeo e tladitšwego Thutong ya Puku ya Phuthego e latelago, moo bagolo ba tlago go thuša ka go bona gore dikarata di a saenwa, di a hlatselwa gomme di ngwalwa letšatši, kgwedi le ngwaga. Moswari wa Thuto ya Puku ya Phuthego o tla diriša lelokelelo le le kaonefaditšwego go kgonthišetša gore bohle sehlopheng sa gagwe ba a hlalosetšwa. (Batswadi bao ba kolobeditšwego ba ka thušwa go tlatša di-Identity Card bakeng sa bana ba bona.) Motho lege e le ofe yo a sego gona thutong yeo ya puku o sa dutše a ka thušwa ke baswari/bagolo Sebokeng se se latelago sa Tirelo go fihlela ge bagoeledi ka moka bao ba kolobeditšwego ba e-ba le dikarata tše di tladitšwego le go saenwa gabotse. Bagolo ba swanetše go ba le lelokelelo la bao ba ka bago ba sa šetše gomme ba leke go tlatša dikarata ka moka kapejana ka mo go kgonegago.
Kopelo 176 le thapelo ya go phetha.
Beke e Thomago ka January 24
5 mets: Ditsebišo tša phuthego. Kgothaletša bohle go tšea karolo tirelong ya tšhemo bekeng ye. Tsebiša dithulaganyo tša phuthego tša tirelo ya tšhemo. Gopotša bohle bao ba sa hlwago ba tlatša dikarata tša bona tša Advance Medical Directive/Release gore ba dire seo mantšiboeng a lehono ka go ya go moswari wa Thuto ya bona ya Puku ya Phuthego goba yo mongwe wa bagolo ba bangwe.
15 mets: Modiro wa Tšhemo wa Phuthego. Molebeledi wa tirelo le mogolo yo mongwe ba hlahloba modiro wa phuthego wa dikgwedi tše nne tše di fetilego. Karolo ya boraro ya ngwaga wa tirelo e fetile (September-December). Phuthego e šoma bjang? Bolela theto ya kgonthe dibopegong tšeo phuthego e dirago gabotse go tšona. Gape bolela dibopego tšeo go tšona phuthego e ka kaonefatšago, gomme o nee ditšhišinyo tše di thušago. Akaretša phihlelo e tee goba tše pedi tša tšhemo tše kopana tše di kgothatšago go tšwa dikgweding tše nne tša pele tša ngwaga wa tirelo. Phetha ka mantšu a lebanyago, a agago. Lethabo la Jesu le ile la tlišwa ke ge a phetha bodiredi bja gagwe. Le rena re tla hwetša lethabo le legolo ka go dula re swaregile modirong wo Jehofa a re neilego wona.—Joh. 4:34; 1 Ba-Kor. 15:58.
25 mets: Polelo ka sehlogo se se rego “Megabaru e ka Bolaya” se se lego go Morokami wa July 15, 1985, matlakala 24-8. Ka baka la maemo a thata a tša boiphedišo nageng, go na le kgoketšo ya go tsenela mekgwa ya go huma ka lebelo, go akaretša le banababo rena ba Bakriste. Bontšha mehlala yeo e ahla-ahlilwego go matlakala 27 le 28 mabapi le thekišo yeo e lebanego le batho ka kakaretšo, mekgatlo ya kadimišo ya tšhelete le mekgwa ya tša phemelo yeo e lego ka tlase ga taolo ya motho o tee. Gaešita lege e mentši ya mekgwa ye e ka ba e le e dumelelwago ke molao, fela re swanetše go ipotšiša gore: Na re thoma kgwebo re lebeletše gore banababo rena bao ba sa belaelego ba Bakriste e tla ba bona barekedi ba rena ba bagolo? Na re nea tirelo e nyakegago goba setšweletšwa ka go šoma ka thata, goba na re hwetša tšhelete ka lebelo ka go hula banababo rena? (Bona Morokami wa August 1, 1993, letlakala 12, serapa 11.) Dira boipiletšo go banababo rena motheong wa ditemana tše di bontšhitšwego gore ba hlokomele gore ba se ke ba wela molabeng wo o khutilego wa megabaru ya tšhelete.
Kopelo 179 le thapelo ya go phetha.
Beke e Thomago ka January 31
5 mets: Ditsebišo tša phuthego. Kgothaletša bohle gore ba thome e sa le ka pele tirelong ya tšhemo ka go tšea karolo mafelo-bekeng a. O ka nea ditšhišinyo tše di thušago bakeng sa go sepediša dimakasine tša gona bjale.
10 mets: Sepediša O ka Phela ka mo go sa Felego Paradeising mo Lefaseng ka Ntlo le Ntlo. Polelo e mafolofolo e kopana ye e bolelago ka mohola wo o hlatsetšwego wa puku ye tabeng ya go thuša batho go tseba le go rapela Jehofa. Bontšha kamoo mogoeledi mo gongwe a ka dirišago ka gona ditšhišinyo tše di lego tokollong ye ya Tirelo ya Rena ya Mmušo go lokišeletša go diriša puku ye tirelong ya tšhemo.
20 mets: “Go ba Gona Dibokeng—Boikarabelo bjo Bogolo.” Kakaretšo ka dipotšišo le dikarabo. Mabapi le serapa 2, boledišana le bagoeledi bao ba fentšego ditšhitišo e le gore ba be gona dibokeng ka mehla.
10 mets: Tšeo di nyakegago tša phuthego. Goba polelo ka mogolo ka ga “E-ba le Pono e Nepagetšego ka Kgaugelo ya Modimo,” ye e theilwego go Morokami, October 1, 1993, matlakala 22-5.
Kopelo 188 le thapelo ya go phetha.
Se tšwela pele go letlakala 3
Diboka (go tšwa go letlakala 2)