Bidio ya The Bible—Mankind’s Oldest Modern Book
1 Beibele ke puku e abjago ka bophara kudu historing ka moka. Ga go na puku e nngwe e fetoletšwego ka maleme a mantši gakaakaa. Go oketša moo, ga go na sehlopha sa batho se se ilego sa fišega go etša Dihlatse tša Jehofa go abeng Beibele le go e bolelela phatlalatša e le Lentšu la Modimo.
2 Ka ge e le Lentšu la Modimo, re ka kgodišega gore e nea ditharollo tše di šomago mathateng a mehleng yeno. Ka gona mokgatlo wa Jehofa o nea thušo e atlegago bakeng sa go hwetša ditharollo tše bjalo ka dipuku gotee le ka dibidio. Bjalo ka ge go tsebišitšwe go Tirelo ya Rena ya Mmušo ya June 1994, kgatišo ya Seisemane ya The Bible—Mankind’s Oldest Modern Book yeo e lego ya bobedi ya dibidio tše tharo tše di bontšhago go budulelwa ga Beibele bjale e a hwetšagala gomme e ka otarwa ka phuthego ya geno. E bapala metsotso e 40.
3 Go swana le bidio ya pele lelokelelong le, ye ya bobedi le yona e aga kgodišego Beibeleng e le tlhahlo e tšwago go Modimo. E diriša karolo e tšerwego dinageng tša Beibele le mebusiamong go dikologa lefase bakeng sa go re thuša go lemoga kamoo Jehofa Modimo a šireleditšego Beibele ka gona nywaga-kgolong ka moka go ba go fihla mehleng ya rena. O tla bona kamoo go nepagala ga Beibele go kgomaretšwego ka gona go sa šetšwe go ngwalollwa le go fetolelwa ga yona leboelela. O tla bona kamoo puku ye ya Modimo e šireleditšwego ka gona go lebanwe le kganetšo e šoro ya go abja ga yona. O tla bona gape le bohlatse bjo bo phelago bja kamoo Beibele e fetošitšego maphelo a batho ka gona go a dira a kaone.
4 Bidio ye e tla hola kudu poledišanong ya lapa ya Beibele le mererong e mengwe e mentši e holago—go fo swana le ya pele. Re kgonthišegile gore Jehofa o tla šegofatša go dirišwa ga yona. Ba ba sego ba hlwa ba e otara ba ka dira bjalo gatee-tee ka lefapha la dipuku ka phuthegong. Dibidio tša The Bible—Accurate History, Reliable Prophecy le Jehovah’s Witnesses—The Organization Behind the Name le tšona di sa hwetšagala.