Ditsebišo

◼ Dipuku tšeo di tlago go dirišwa ka February: O ka Phela ka mo go sa Felego Paradeiseng mo Lefaseng ka moneelo wa R9,00. Dipuku tše dinyenyane ke R4,50. March: Dipotšišo tša Bafsa le Dikarabo tše Šomago ka moneelo wa R4,50. April le May: Peeletšo ya Morokami ka moneelo wa R19,00 bakeng sa dikgatišo tša gabedi ka kgwedi. Peeletšo ya ngwaga bakeng sa dikgatišo tša gatee ka kgwedi goba peeletšo ya dikgwedi tše tshelelago bakeng sa dikgatišo tša gabedi ka kgwedi ke R9,50.

◼ Mongwaledi le molebeledi wa tirelo ba swanetše go hlahloba modiro wa babulamadibogo ka moka ba ka mehla. Ge e ba go e-⁠na le bao ba nago le bothata bja go fihlelela diiri tšeo di nyakegago, bagolo ba swanetše go rulaganyetša gore ba newe thušo. Bakeng sa ditšhišinyo, boeletšang mangwalo a Mokgatlo (S-201) a October 1, 1993 le October 1, 1992. Gape, bonang dirapa 12-20 tša pampiri ya ka gare ya Tirelo ya Rena ya Mmušo ya August 1986.

◼ Monyanya wa Segopotšo o tla swarwa ka Mokibelo, March 26, 1994. Gaešita lege polelo e ka thoma e sa le ka pela, hle gopolang gore go fetišwa ga senkgwa le beine tša Segopotšo ga se gwa swanela go thoma go fihlela ge letšatši le sobetše. Nyakišišang methopong ya tsebišo ya lefelong la gabo lena bakeng sa go bona gore letšatši le sobela neng lefelong la gabo lena. Ga go na diboka tše dingwe ka ntle le tša tirelo ya tšhemo tšeo di swanetšego go swarwa ka letšatši leo. Ge e ba phuthego ya gabo lena ka mehla e e-⁠ba le diboka ka Mokibelo, le ka rata go di šuthišetša letšatšing le lengwe la beke ge e ba Holo ya Mmušo e hwetšagala.

◼ March le April e tla ba dikgwedi tše pedi tše di kgethegilego bakeng sa mediro ya tirelo ya tšhemo. Ka ge go e-⁠na le matšatši a mantši a maikhutšo ka April, e tla ba kgwedi e botse bakeng sa go tšea karolo tirelong ya bobulamadibogo bja go thuša. Re tla rata go ikemišetša go fihlelela pakane e mpsha ya tlhora ya babulamadibogo ba go thuša ka April. Bagoeledi bao ba kganyogago go hlankela e le babulamadibogo ba go thuša ka March le/goba April ba swanetše go dira dithulaganyo tša bona gona bjale gomme ba tsenye dikgopelo tša bona e sa le ka pela. Se se tla thuša bagolo go dira dithulaganyo tše di nyakegago tša tirelo ya tšhemo le go dira gore go be le dipuku tše di lekanego.