Diboka Tša Tirelo Tša December

TLHOKOMEDIŠO: Tirelo ya Rena ya Mmušo e tla rulaganyetša Seboka sa Tirelo bakeng sa beke e nngwe le e nngwe ka December. Diphuthego di ka dira dipeakanyo ge e ba go nyakega gore di kgone go ya Kopanong ya Selete ya “Go Boifa Modimo” le go ba le poeletšo ya metsotso e 30 ya dintlha tše dikgolo tša lenaneo bekeng e latelago. Poeletšo ya letšatši le letšatši ya lenaneo la kopano ya selete e swanetše go abelwa banababo rena ba babedi goba ba bararo ba ba swanelegago e sa le pele, ba ba tlago go kgona go lebiša tlhokomelo dintlheng tše di kgethegilego. Poeletšo ye e lokišeditšwego gabotse e tla thuša phuthego go gopola dintlha tše dikgolo bakeng sa go di diriša ka noši le go di diriša tšhemong. Ditlhaloso tša batheetši le diphihlelo tše di anegwago e swanetše go ba tše kopana le tše di lebanyago.

Beke e Thomago ka December 5

Kopelo 68

12 mets: Ditsebišo tša phuthego le Ditsebišo tše di swanetšego tše di tšwago go Tirelo ya Rena ya Mmušo. Bontšha sehlogo se tee goba tše pedi tše di kgahlišago tšeo di ka bolelelwago ge go sepedišwa dimakasine tša morago-rago. Dira gore mogoeledi yo a nago le bokgoni a bontšhe thero, a diriša se sengwe sa dihlogo. Gopotša bohle ka phuthegong ka go nyakega ga gore ba tšee karolo bodireding mathomong a December le go kgonthišetša gore ba tliša dipego tša bona pele ga ge ba ka ya maikhutšong goba kopanong. Baswari ba thuto ya puku ba swanetše go gopotša bohle dihlopheng tša bona ka se.

15 mets: “Mohlala o Swanetšego go Latelwa Kgaufsi.” Dipotšišo le dikarabo.

18 mets: “Kgothaletša ba Bangwe go Latela Motho yo a Phagamego Kudu.” Boledišana le batheetši. Rulaganyetša dipontšho tše pedi tše dikopana. Gatelela go nyakega ga go boloka dipego tše di nepagetšego tša ntlo le ntlo; hlalosa ka boripana tsebišo yeo e swanetšego go begwa.

Kopelo 153 le thapelo ya go phetha.

Beke e Thomago ka December 12

Kopelo 86

13 mets: Ditsebišo tša phuthego le Ditaba tša Pušo ya Modimo. Pego ya tša ditšhelete, go akaretša le ditebogo le ge e le dife tša meneelo. Nea ditšhišinyo mabapi le kamoo go ka arabelwago ka gona ditumedišong tša matšatši a maikhutšo a lefase.​—⁠Bona Tirelo ya Rena ya Mmušo ya December 1990, letlakala 6.

14 mets: “Dula o Šeditše Thuto ya Ga-​go.” Polelo ka molebeledi wa sekolo. Ahla-ahla ditaelo tše di sepedišanago le “Lenaneo la Sekolo sa Bodiredi sa Pušo ya Modimo la 1995,” o hlalosa dikgopotšo le ge e le dife tše di nyakwago ka mo go kgethegilego ke phuthego.

18 mets: “Bontšha Tebogo Bakeng sa Ngwako wa Modimo.” Dipotšišo le dikarabo. Nea ditlhaloso tše di oketšegilego mabapi le go nyakega ga go boloka nako dibokeng.​—⁠Bona Morokami wa June 15, 1990, matlakala 26-⁠9.

Kopelo 99 le thapelo ya go phetha.

Beke e Thomago ka December 19

Kopelo 78

10 mets: Ditsebišo tša phuthego. Hlalosa dithulaganyo tša phuthego bakeng sa tirelo ya tšhemo nakong ya maikhutšo a tlago. Šišinya ditsela tša go sepediša dimakasine tša morago-rago tšhemong ya lena.

20 mets: “Šetša Lentšu la Boporofeta.” Pampiri ya ka gare. Dipotšišo le dikarabo go dirapa 1-⁠8, e swanetše go swarwa ke mogolo. Hlalosa kamoo mangwalo a bontšhitšwego a šomago ka gona.

15 mets: “Ba Kgothaletšeng go ba Barutiwa ba Gagwe.” Boledišana le batheetši. E-⁠ba le dipontšho tše pedi tše dikopana. Eletša gore bohle ba dirišetše nako e itšego ya tirelo ya tšhemo bekeng e nngwe le e nngwe go dira maeto a go boela.

Kopelo 22 le thapelo ya go phetha.

Beke e Thomago ka December 26

Kopelo 74

 5 mets: Ditsebišo tša phuthego. Ahla-ahlang “Na Dinako tša Diboka tša Lena di tla Fetoga?” ge e ba e šoma phuthegong ya lena.

20 mets: “Šetša Lentšu la Boporofeta.” Pampiri ya ka gare. Dipotšišo le dikarabo go dirapa 9-⁠13, e swanetše go swarwa ke mogolo. Gatelela bohlokwa bja go lokišeletša, go ba gona ka mehla le go tšea karolo Thutong ya Puku ya Phuthego. Bontšhang tebogo bakeng sa thuto ya moya yeo e lego bohlokwa kudu bakeng sa go re hlahla mehleng ye ya bofelo.

10 mets: Tše di nyakegago tša phuthego. Goba nea polelo e theilwego sehlogong se se rego, “Na o Thuša Ngwana wa Gago go Kgetha Jehofa?” ka go Morokami wa October 1, 1994, matlakala 26-⁠30.

10 mets: Lokišeletšang mpho ya January. Mpho ya dipuku e tla ba O ka Hwetša Bjang Khutšo ya Kgonthe le Polokego? Lokišeletšang thero e ka dirišwago ge go sepedišwa puku ye. Dikgopolo mabapi le dithero di ka hwetšwa ka pukung ya Go Boledišana, matlakala 9-⁠15. Dira gore mogoeledi yo a nago le bokgoni a bontšhe thero.

Kopelo 94 le thapelo ya go phetha.