Diboka Tša Tirelo Tša July
Beke e Thomago ka July 3
10 mets: Ditsebišo tša phuthego le Ditsebišo tše di kgethilwego go tšwa go Tirelo ya Rena ya Mmušo. Gopotša bagoeledi gore ba bege tirelo ya bona ya tšhemo ya June kapejana. Mongwaledi le baswari ba thuto ya puku ba swanetše go lekola gore dipego tše di šaletšego ka moka tša tirelo ya tšhemo bakeng sa dikgwedi tše di fetilego di a tlišwa.
17 mets: “Phakxamang.” Dipotšišo le dikarabo.
18 mets: “Dirišang Diporoutšha tše di Fapa-fapanego Bodireding bja Lena.” Ahla-ahla dithero tšeo di šišintšwego le batheeletši. Nea ditlhaloso tše kopana mabapi le go bolelela diporoutšha ka mo go kgahlišago. E-ba le dipontšho tše pedi goba tše tharo tše kopana go bontšha kamoo di ka sepedišwago ka gona.
Kopelo 213 le thapelo ya go phetha.
Beke e Thomago ka July 10
15 mets: Ditsebišo tša phuthego. Pego ya tša ditšhelete. Hlalosa dithulaganyo tša mafelelo bakeng sa tšhemo e sa abjago. Diriša dintlha tše di šomago tše di tšwago tlaleletšong ya lengwalo la May 12, 1995. Kgothaletša malapa ka moka gotee le babulamadibogo ka borutho gore ba tšee karolo lesolong le go le thabela. Moo diphuthego di sa kgonego go šoma tšhemong e sa abjago, boledišana le bagoeledi ba bangwe bao ba nago le diphihlelo tše di tšwago lesolong le le sa tšwago go fela la pampišana e kgethegilego.
15 mets: “Na Dikgopotšo tša Jehofa di re Tsoša Moyeng?” Dipotšišo le dikarabo.
15 mets: Itokišeletše go Homotša Bao ba Hlokofetšego (e theilwe go matlakala 252-4 a puku ya Go Boledišana). (3 mets.) Ngwanabo rena yo a swerego karolo ye o bontšha gore Dihlatse tša Jehofa ga di ganetše meetlo ka moka yeo e tswalanago le lehu. (5 mets.) Bontšha kamoo Hlatse e ka hlalosetšago ka gona mošomi-gotee le yona lebaka leo ka lona Dihlatse tša Jehofa di phemago meetlo e itšego ya setšo ya go hlokofalela bahu, e theile poledišano pukung ya Go Boledišana, matlakala 252-3. (7 mets.) Boledišana le batheeletši ka karolo e lego ka tlase ga sehlogwana se se rego “Ge e ba o Mongwe a Bolela Gore—” go matlakala 253-4.
Kopelo 154 le thapelo ya go phetha.
Beke e Thomago ka July 17
10 mets: Ditsebišo tša phuthego.
20 mets: “Dira Maeto a go Boela Gohle Moo o Sepedišitšego Diporoutšha Gona.” Ngwanabo rena yo a abetšwego karolo ye o tla boledišana le bagoeledi ba bangwe ba bararo ka lebaka leo ka lona go lego bohlokwa go boela gohle moo go bontšhitšwego kgahlego le moo dipuku di sepedišitšwego gona. Ba boledišana ka dithero tšeo di šišintšwego le go bontšhana kamoo di ka dirišwago ka gona.
15 mets: Go Swara Thuto ya Legae ya Beibele. Polelo ka mogolo yo a swarago dithuto tše di tšwelago pele tša Beibele. Kgothaletša gore go dirwe boiteko bjo bogolo bja go thoma dithuto tša Beibele. Ahla-ahla ditšhišinyo tše di neilwego ka pukung ya Go Rulaganyeletšwa go Dira Bodiredi bja Rena, matlakala 89-91. Mo gongwe o ka akaretša diphihlelo tše kopana tša lefelong leo. (Bakeng sa dintlha tše oketšegilego, šupa go Tirelo ya Rena ya Mmušo, August-December 1993, letlakala 1.)
Kopelo 164 le thapelo ya go phetha.
Beke e Thomago ka July 24
10 mets: Ditsebišo tša phuthego. Boeletša sehlogo se se rego “Lenaneo le Lefsa la Kopano ya Tikologo.”
15 mets: Tše di nyakegago tša phuthego. Goba nea polelo ka sehlogo se se rego “Go Bontšha Lerato la Bokriste go Batšofadi,” seo se theilwego go Morokami wa August 1, 1994, matlakala 27-30.
20 mets: Baagišani ba tla Nagana’ng? Polelo le pontšho tšeo di theilwego go Watchtower ya April 1, 1974, matlakala 201-3. Nea polelo mabapi le lebaka leo ka lona gantši re gatelelwago ke baagišani ba rena ba lefase. (Akaretša letlakala 201 le serapa sa pele go letlakala 202.) Ka morago e-ba le pontšho yeo e bontšhago banyalani bao ba nago le phihlelo ba swaretše lapa le le sa tšwago go thoma go thabela thuto ya Beibele, leo le tšhošetšwago ke baagišani ba lona ba lefase bao ba lwantšhago go ithuta Beibele le Dihlatse tša Jehofa. (Boeletša dintlha tše dikgolo tšeo di šetšego sehlogong.) Gatelela mabaka ao ka ona lapa leo le sa tšwago go thoma go thabela le sa swanelago go nyama goba go tlogela.
Kopelo 169 le thapelo ya go phetha.
Beke e Thomago ka July 31
15 mets: Ditsebišo tša phuthego. Di swanetše go swarwa ke mongwaledi goba molebeledi wa tirelo. Gopotša bohle gore ba tliše dipego tša bona tša tirelo ya tšhemo tša July. Kgothaletša bohle ka borutho gore ba be le karolo ka mo go tletšego tirelong ya tšhemo kgweding ya mafelelo ya ngwaga wa tirelo. Na go na le ge e le bafe bao ba sa tšwago go thoma go kopanela gotee le bana ba ba tsenago sekolo bao batswadi ba bona ba kolobeditšwego, bao ba ka swanelegelago go ba bagoeledi ba ba sa kolobetšwago ka August? Hlalosa kgonagalo e lego gona bakeng sa se ka phuthegong. Hlalosa dithulaganyo tše di dirilwego bakeng sa go thuša batho ba ba bafsa ka August.
15 mets: “E-ba yo a Agišago.” Poledišano le polelo ka mogolo.
15 mets: Ahla-ahla Mpho ya Dipuku Bakeng sa August. Bolela ka diporoutšha tša matlakala a 32 tšeo di ka dirišwago. Laletša bagoeledi gore ba laodiše diphihlelo le ge e le dife tše di kgahlišago tšeo ba bilego le tšona ge ba sepediša diporoutšha ka July. Bontšha kamoo go ka thongwago thuto ya Beibele ka gona go dirišwa poroutšha ya Na Modimo Ruri o na le Taba le Rena? Rotoša potšišo yeo e botšišitšwego go serapa 1 sa Karolo 1. Hwetša karabelo ya mong wa ntlo dikgopolong tše di boletšwego go dirapa 2-4. Hlalosa gore poroutšha e bontšha gore Modimo ruri o na le taba le gore re ka thabela bophelo re lokologile tlaišegong lefaseng la gagwe le lefsa leo le tlago. Ithapele go boa bakeng sa poledišano e tšwelago pele.
Kopelo 179 le thapelo ya go phetha.
Se tšwela pele go letlakala 3
Diboka (go tšwa go letlakala 2)