Ditsebišo

◼ Dipuku tše di tlago go dirišwa ka September: O ka Phela ka mo go sa Felego Paradeiseng mo Lefaseng ka moneelo o kgethegilego le o fokoditšwego wa R8,00. Dipuku tše dinyenyane ke R4,00. (Bakeng sa lesolo la tšhemo e sa abjago, ditefo tše tše di fokoditšwego tša puku ya Phela ka mo go sa Felego di šoma bakeng sa dikgwedi tše tharo ka moka.) Go swanetše go dirwa maiteko a go thoma dithuto tša legae tša Beibele. October: Dipeeletšo tša ngwaga tša Phafoga! goba Morokami tše di tlago ka poso ka moneelo wa R33,00 bakeng sa dikgatišo tša gabedi ka kgwedi. Peeletšo ya ngwaga ya dikgatišo tša gatee ka kgwedi goba peeletšo ya dikgwedi tše tshela ya dikgatišo tša gabedi ka kgwedi ke R16,50. Dipeeletšo tša setlamo ke R19,00 le R9,50 ka go latelelana. Dira boiteko bjo bo kgethegilego bja go sepediša dikopi tša dimakasine ge mpho e ganwa. November: Sepediša puku ya Go Tsoma ga Batho Modimo ka moneelo wa R5,30.

◼ Molebeledi yo a okamelago goba motho yo mongwe yo a kgethilwego ke yena o swanetše go bala ditšhelete tša phuthego ka September 1 goba kapejana ka mo go ka kgonegago ka morago ga moo. Tsebišang phuthego ge se se dirilwe.

◼ Bagolo ba gopotšwa go latela ditaelo tšeo di neilwego go matlakala 21-⁠3 a Morokami wa April 15, 1991 mabapi le batho le ge e le bafe ba ba kgaotšwego goba ba ba ikarotšego ba ba ka bago ba nyaka go bušetšwa.

◼ Diphuthego di swanetše go thoma go otara 1996 Calendar of Jehovah’s Witnesses otareng ya tšona ya dipuku ya September. Dialmanaka di tla hwetšagala ka se-Afrikaans, Sefora, Segerika, Seisemane, Sejeremane, Sepotokisi, Sesotho, Setaliana, se-Xhosa le se-Zulu. Se ke setoko se se otarwago go ya ka palo ya bao di ba swanetšego. Diphuthego tše di se nago akhaonto le Mokgatlo goba tše di nago le tlhaelelo akhaontong ya tšona ya dipuku di swanetše go romela tšhelete le otara ya tšona.

◼ Ka Mokibelo, October 14, 1995, legae la Bethele le feketori di tla be di tswaletšwe bakeng sa go hlwekišwa, ka gona go ka se be le dithulaganyo tša go sepedišwa bakeng sa go bona moago.

◼ Se ke bakeng sa go gopotša DIPHUTHEGO KA MOKA gore hle di otare dikarata tša Advance Medical Directive/​Release le di-Identity Card kapejana ka mo go ka kgonegago fomong ya Literature Order (S-⁠AB-⁠14). Diphuthego tše di se nago akhaonto le Mokgatlo goba tše di nago le tlhaelelo akhaontong ya tšona ya dipuku di swanetše go romela tšhelete le otara ya tšona. Dikarata tša medical directive ke disente tše lesome ka e tee gomme di-Identity Card ke disente tše seswai ka e tee. Hle otarang ka dipalo tša tše 20 ge e ba go kgonega. Le se ke la aba dikarata tše, eupša di bolokeng go fihlela le amogela ditaelo tše di oketšegilego tše di tšwago go Mokgatlo.

◼ Go swanetše go otarwa dipetšhe tša kopano ya selete bakeng sa 1995 gomme di tla lefišwa akhaontong ya dipuku ya phuthego ka disente tše seswai karata ka e tee. Diphuthego tšeo di se nago akhaonto le Mokgatlo goba tše di nago le tlhaelelo akhaontong ya tšona di swanetše go romela tšhelete le otara ya tšona. Hle otarang ka dipalo tša tše 20 ge e ba go kgonega. Dipetšhe di hwetšagala ka se-Afrikaans, Seisemane, Sepotokisi, Sesotho, se-Xhosa le se-Zulu. Hle tsenyang otara ya lena ka go diriša fomo ya Literature Order (S-⁠AB-⁠14). Diotara tše di swanetše go fihla go Mokgatlo pele ga November 1, 1995. Ka morago ga moo re ka se ke ra tlatša diotara tša dipetšhe.

◼ Go tla lebogwa ge e ba bao ba ngwalelago Mokgatlo ba ngwala leina la bona le aterese e feletšego ya poso ka pele, sekhutlong sa ka godimo ka letsogong le letshadi la enfelopo goba ka morago ga yona. Ge diphuthego di ngwalela Mokgatlo, hle di swanetše go nea leina le nomoro tša phuthego. Se se bohlokwa kudu ka ge se thuša Mokgatlo mabapi le go swaragana le tša go ngwalelana.

Di tšwela pele go letlakala 9

Ditsebišo (go tšwa go letlakala 2)