Ditaba Tša Pušo Ya Modimo

Afrika Borwa: Bakeng sa nakong ya September 1994 go fihla ka June 1995, go ile gwa neelwa Diholo tša Mmušo tše 25 gomme re fagahletše go neelwa ga tše dingwe tše 15 mafelelong a August 1995. Re thabela go bega go neelwa ga Diholo tša Mmušo tše di latelago magareng ga May le June: Lansdowne (Kapa Bodikela), Mhluzi (Middelburg), Orlando East (Soweto), Manzini English (Swaziland) le Ngwelezane (Empangeni).

 Re kganyoga go bontšha tebogo ya rena e tšwago pelong bakeng sa modiro o dirilwego ke Dikomiti tša tša Meago tša Tikologo gotee le wo o dirilwego ke bašomi ka moka ba baithapi. Moya wa boikemišetšo wo o bontšhitšwego ke sehlopha se sa bašomi o thušitše kudu go tšweletšeng moya wa phišego bakeng sa go agwa ga Diholo tša Mmušo.

 Re le leboga kudu ka moka ga lena bakeng sa thekgo ya lena ya ka mehla ya Sekhwama sa Mokgatlo sa Diholo tša Mmušo. Se dutše se dirišwa go thuša diphuthego tše dintši kudu ka Dikadimo tša Ditšhelete tša Holo ya Mmušo.