Diboka Tša Tirelo Tša February
Beke e Thomago ka February 5
10 mets:Ditsebišo tša phuthego. Ditsebišo tše di kgethilwego go tšwa go Tirelo ya Rena ya Mmušo.
15 mets:“Go Tsebatša Therešo Letšatši le Letšatši ka go Ekiša Jesu.” Dipotšišo le dikarabo. Bala serapa 5.
20 mets:“Kutollo—Senotlelo se se Išago Lethabong la Kgonthe.” Ahla-ahla dithero tše di šišintšwego, gomme o be le pontšho e tee goba tše pedi.
Kopelo 14 le thapelo ya go phetha.
Beke e Thomago ka February 12
10 mets:Ditsebišo tša phuthego. Pego ya tša ditšhelete.
13 mets:“Lokišeletšang Modiro wa Dimakasine ka April.” Gatelela bohlokwa bja Morokami le Phafoga! go tsebatšeng ditaba tše di lokilego. Bala sehlogo sa dirapa tše pedi gomme o hlalose seo phuthego e tlago go se dira bakeng sa go dira gore April e be kgwedi e kgethegilego ya go abja ga dimakasine.
22 mets:“Nka Hwetša Bjang Tsebe e Theetšago?” Dipotšišo le dikarabo. E-ba le bagoeledi ba babedi bao ba ahla-ahlago kamoo ba tlago go leka ka gona go bontšha borutho bjo bo oketšegilego ge ba bolela mejakong, ba diriša tše dingwe tša ditšhišinyo tše di neilwego ka go Puku ya Tlhahlo ya Sekolo, matlakala 166-8, dirapa 10-21.
Kopelo 133 le thapelo ya go phetha.
Beke e Thomago ka February 19
10 mets:Ditsebišo tša phuthego.
15 mets:“Holwa ke Sekolo sa Bodiredi sa Pušo ya Modimo sa 1996—Karolo 2.” Polelo ka molebeledi wa sekolo. Gatelela go nyakega ga go bala Lentšu la Modimo letšatši le letšatši.
20 mets:“Ba Thušeng Gore ba Kwešiše.” Ahla-ahla dithero tše di šišintšwego bakeng sa go dira maeto a go boela. Mogolo o boledišana le bagoeledi ba babedi goba ba bararo ka dintlha tše dikgolo tša puku ya Seremo sa Kutollo le kamoo di ka gatelelwago ka gona. Dira pontšho ka thero e tee goba tše pedi. Nea ditšhišinyo tša kamoo go ka tsošwago kgahlego ka gona go fihla moo thuto ya Beibele e ka thongwago ka puku ya Tsebo e Išago Bophelong bjo bo sa Felego.
Kopelo 53 le thapelo ya go phetha.
Beke e Thomago ka February 26
10 mets:Ditsebišo tša phuthego. Gopotša bagoeledi gore ba bege tirelo ya bona ya tšhemo ya February kapejana. Mongwaledi le baswari ba thuto ya puku ba swanetše go kgonthišetša gore dipego ka moka tše di šaletšego tša tirelo ya tšhemo tša dikgwedi tše di fetilego le tšona di a tlišwa. Dipego tše tše di šaletšego di swanetše go akaretšwa go pego ya phuthego ya February.
15 mets:Go Lokišetša Dithero tše di Ipiletšago. Molebeledi wa tirelo goba mogolo yo mongwe o boledišana le bagoeledi ba babedi goba ba bararo ka mehola ya go ba le dithero tša ntlo le ntlo tšeo di bolelago ka selo seo se ipiletšago lefelong leo. Ka mohlala, ditaba tša lefelong leo di bega ka maiteko a gona bjale a go kaonefatša boemo bja bophelo; mokgwa o golago wa mathata a lenyalo, bana ba lahlilwego goba mathata a go hwetša mošomo; goba dihlogo tša ditaba tšeo di bontšhago lebaka leo ka lona batho e bago ba hlokago kholofelo kudu ka dithušo tšeo di newago ke bo-radipolitiki le baruti. Bolela ka dilo tše di lego ditabeng tša gona bjale tša tikologong ya geno gomme o ahla-ahle kamoo di ka dirišwago ka gona go thoma dipoledišano.
20 mets:Go Sepediša Puku ya Tsebo e Išago Bophelong bjo bo sa Felego ka March. Bontšha tše dingwe tša dintlha tše dikgolo tše di kgahlišago tša puku tšeo di ka dirišetšwago go thoma dipoledišano. (1) Lebiša tlhokomelo diswantšhong tše di kgahlišago, tše bjalo ka tše di bontšhitšwego go matlakala 4-5, 86, 124-5, 188-9. (2) Bontšha kamoo kgaolo e nngwe le e nngwe e felelago ka gona ka lelokelelo la dipotšišo tša tlhahlobo gomme o hlalose kamoo di ka dirišwago ka gona e le motheo wa dithero. Mong wa ntlo a ka botšišwa ge e ba a ka rata go tseba dikarabo. Kgetha dipotšišo tše dingwe gare ga tšeo di lokeleditšwego go matlakala 11, 22, 61, 149. (3) Šupa lepokising le le lego go letlakala 102 gomme o nee ditšhišinyo tše di bontšhago kamoo “Dibopego tše Dingwe tša Mehla ya Bofelo” di ka dirišwago ka gona go tsoša kgahlego. (4) Gatelela kamoo puku e rulaganyeleditšwego go swara dithuto tše di tšwelago pele ka gona. Dikgaolo ke tše dikopana, taba e kwešišega gabonolo, mangwalo a nago le matla a bontšhitšwe gomme dipotšišo tše di fatollago di lebiša tlhokomelo dintlheng tša motheo. Kgothaletša bohle gore ba sepediše puku ka morero wa go thoma dithuto.
Kopelo 151 le thapelo ya go phetha.