Ditsebišo
◼ Dipuku tše di tlago go dirišwa ka February: E ka ba Go Dira Bophelo bja Lapa la Gago Gore bo Thabiše ka moneelo wa R3,50 goba Seremo se Segolo sa Kutollo se Batametše! ka moneelo wa R10,50. March: Tsebo e Išago Bophelong bjo bo sa Felego ka moneelo wa R3,50. April le May: Peeletšo ya ngwaga ya Morokami e tlago ka poso ka moneelo wa R38,00 bakeng sa dikgatišo tša gabedi ka kgwedi. Peeletšo ya ngwaga ya dikgatišo tša gatee ka kgwedi goba peeletšo ya dikgwedi tše tshelelago ya dikgatišo tša gabedi ka kgwedi ke R19,00. Dipeeletšo tša setlamo ke R24,00 le R12,00 ka go latelana. Dira boiteko bjo bo kgethegilego bja go sepediša dikopi tša dimakasine ge mpho e ganwa.
◼ Mongwaledi le molebeledi wa tirelo ba swanetše go hlahloba modiro wa babulamadibogo ka moka ba ka mehla. Ge e ba go e-na le bao ba nago le bothata bja go fihlelela diiri tše di nyakegago, bagolo ba swanetše go rulaganyetša gore ba newe thušo. Boeletšang dintlha tše di lego go dirapa 12-20 tša pampiri ya ka gare ya Tirelo ya Rena ya Mmušo ya August 1986.
◼ Monyanya wa Segopotšo o tla swarwa ka Labobedi, April 2, 1996. Gaešita le ge polelo e ka thoma e sa le ka pela, hle gopolang gore go fetišwa ga senkgwa le beine tša Segopotšo ga se gwa swanela go thongwa go fihlela ka morago ga ge letšatši le sobetše. Nyakišišang methopong ya lefelong la gabo lena gore le bone nako yeo letšatši le sobelago ka yona. Ga se gwa swanela go swarwa diboka le ge e le dife ka ntle le sa tirelo ya tšhemo letšatšing leo. Ge e ba phuthego ya lena ka mehla e e-ba le diboka ka Labobedi, mo gongwe le ka rata go di šuthišetša letšatšing le lengwe la beke ge e ba Holo ya Mmušo e hwetšagala.
◼ Bagoeledi bao ba kganyogago go hlankela e le babulamadibogo ba go thuša ka March, April le May ba swanetše go dira dithulaganyo tša bona gona bjale gomme ba tsenye dikgopelo tša bona e sa le ka pela. Se se tla thuša bagolo go dira dithulaganyo tše di nyakegago tša tirelo ya tšhemo le go dira gore go be le dimakasine tše di lekanego le dipuku tše dingwe.
◼ April 20, 1996, e tla ba Letšatši la rena le le kgethegilego la Dimakasine la ngwaga le ngwaga. Nakong e fetilego, ba bantši ba ile ba thabela go tšea karolo medirong ya Letšatši le le kgethegilego la Dimakasine. Ke ka baka la’ng o sa dire dithulaganyo gona bjale e le gore o tšee karolo ka mo go tletšego lenyaga? Diphuthego di swanetše go romela diotara tše di kgethegilego tša dimakasine ka pela ka mo go kgonegago.
◼ Diphuthego di swanetše go thoma go otara 1996 Yearbook of Jehovah’s Witnesses diotareng tša tšona tša dipuku tša February. Di-1996 Yearbook di tla hwetšagala ka Sefora, Segerika, Seisemane, Sepotokisi, Setaliana le se-Zulu. Go fihlela ge dipuku tše di le gona gomme di romelwa, di tla tšwelela e le “Back Ordered” go di-invoice tša phuthego. Di-Yearbook ke tšeo di otarwago go ya ka palo ya bao di ba swanetšego gomme di tla lefišwa akhaontong ya dipuku ka R5,60 ka e tee. Babulamadibogo bao ba bilego lelokelelong ka dikgwedi tše fetago tše tshela ba ka hwetša kopi e sa lefelelwego yeo phuthego e ka kgopelago phokoletšo bakeng sa yona. Babulamadibogo ba ka hwetša dikopi tše di oketšegilego ka R3,70 ka e tee.
◼Dipuku tše Difsa tše di Lego Gona:
Bolumo e tlamilwego e gatišitšwego gape ya Watchtower ya 1951 (phuthego, batho bohle le babulamadibogo: R22,00) —Seisemane
Dihlatse tša Jehofa le Thuto (phuthego le batho bohle: R1,00; babulamadibogo: R0,70) —Se-Afrikaans, Se-Chichewa, Sefora, Segerika, Seisemane, Sejeremane, Sepedi, Sepotokisi, Se-Shona, Sesotho, Setaliana, Se-Tsonga, Setswana, Se-Venda, Se-Xhosa le Se-Zulu
New World Translation of the Christian Greek Scriptures (phuthego le batho bohle: R5,60; babulamadibogo: R3,70) —Sesotho le Se-Xhosa
Tsebo e Išago Bophelong bjo bo sa Felego (phuthego le batho bohle: R3,50; babulamadibogo: R2,65) —Se-Afrikaans, Se-Chichewa, Se-China, Se-Croatia, Se-Dutch, Sefora, Segerika, Se-Hungary, Seisemane, Sejeremane, Sepedi, Sepoliši, Sepotokisi, Se-Russia, Se-Serbia, Se-Shona, Sesotho, Setaliana, Se-Tsonga, Setswana, Se-Venda, Se-Xhosa le Se-Zulu
◼ Dipuku tše Difsa tše di Lego Gona ka Braille:
Dihlatse tša Jehofa le Thuto (bolumo e tee) —Grade-two English
Tsebo e Išago Bophelong bjo bo sa Felego (dibolumo tše pedi) —Grade-two English