Diboka Tša Tirelo Tša April
Beke e Thomago ka April 1
10 mets:Ditsebišo tša phuthego. Ditsebišo tše di kgethilwego go tšwa go Tirelo ya Rena ya Mmušo. Bolela dipego le ge e le dife tše di kgethegilego tša go bina ga lena Segopotšo. Gopotša bagoeledi go tliša dipego tša bona tša tirelo ya tšhemo tša March ka ntle le tika-tiko. Mongwaledi le baswari ba thuto ya puku le bona ba swanetše go lekola gore dipego tše di šaletšego ka moka tša tirelo ya tšhemo bakeng sa dikgwedi tše di fetilego di a tlišwa.
20 mets:“‘Fišegelang Mediro e Mebotse’ ka April!” Kakaretšo ya dipotšišo le dikarabo ya dirapa 1-10 ka molebeledi wa tirelo. Hlalosa (1) seo se rulagantšwego phuthegong bakeng sa modiro o oketšegilego wa tirelo ya tšhemo ka April, (2) kamoo bohle ba ka thušwago ka gona gore ba tšee karolo le (3) kamoo ba bafsa le ba banyenyane ba ka akaretšwago ka gona. Anke re ikemišetšeng go fihlelela tlhora e mpsha ya bagoeledi ka April. Kgothaletša bohle go ba le karolo ka mehla bodireding beke e nngwe le e nngwe ka April.
15 mets:“Tsomang Bao ba Nago le Tshekamelo e Swanetšego.” Ahla-ahla dithero tše di šišintšwego, gomme ka morago o be le dipontšho tše pedi tše di bontšhago kamoo di ka dirišwago ka gona. Ge nako e dumela, laodiša tše dingwe tša ditšhišinyo tša go sepediša dimakasine tše di hwetšwago ka go Tirelo ya Rena ya Mmušo ya September 1995, letlakala 6. Akaretša kgopotšo ya go bolela gore re amogela meneelo ya go tšwetša pele modiro wa lefase ka bophara.
Kopelo 20 le thapelo ya go phetha.
Beke e Thomago ka April 8
15 mets:Ditsebišo tša phuthego. Pego ya tša ditšhelete; bolela ditebogo tša meneelo tšeo di amogetšwego go tšwa go Mokgatlo. Ahla-ahla ditsela tše di šomago tšeo ka tšona re ka thušago ba bafsa bao ba bilego gona Segopotšong gore ba dire tšwelopele ya moya e oketšegilego. Ahla-ahla Morokami wa April 1, 1991, matlakala 9-12.
15 mets:“Neela Tirelo e Kgethwa Mosegare le Bošego.” Dipotšišo le dikarabo. Bala dirapa 5 le 6.
15 mets:“‘Fišegelang Mediro e Mebotse’ ka April!” Kakaretšo ya dipotšišo le dikarabo ya dirapa 11-15. Kgothaletša bohle gore ba hlahlobe maemo a bona a motho ka noši gomme ba tsome ditsela tša go oketša thekgo ya bona ya bodiredi bja tšhemo.
Kopelo 113 le thapelo ya go phetha.
Beke e Thomago ka April 15
10 mets:Ditsebišo tša phuthego. Gopotša batheetši ka polelo e kgethegilego ya phatlalatša yeo e lego ka April 21 e nago le sehlogo se se rego, “Go Dula re se na Bosodi Gare ga Moloko o Kgopamego.” Kgothaletša go dirwa ga boiteko bjo bo oketšegilego bja go thuša yo mongwe le yo mongwe gore a be gona.
15 mets:“Mehla e Fetogile.” Dipotšišo le dikarabo. Gatelela go neela molaetša wa Mmušo ka tsela yeo e dumelelanago le dinyakwa tša batho tše di gateletšago kudu. Bolela ditaba tše dingwe tša lapa le tša setšhaba tšeo di lego menaganong ya batho ba bantši, bjalo ka ge di bontšhitšwe go Morokami wa January 1, 1994, matlakala 22-3.
20 mets:“Tumêlô e tšwa xo Kweng.” Ahla-ahla kamoo dimakasine tšeo di sepedišitšwego di ka dirišwago ka gona go hlagolela kgahlego yeo e ka lebišago dithutong tša Beibele pukung ya Tsebo. Dira gore go be le dipontšho tše pedi goba tše tharo tše di bontšhwago.
Kopelo 204 le thapelo ya go phetha.
Beke e Thomago ka April 22
15 mets:Ditsebišo tša phuthego. Boeletša dintlha tše dikgolo tša polelo e kgethegilego e neilwego mafelo-bekeng a a sa tšwago go feta. Bolela kamoo temošo ye e swanetšego go tutueletša ba ba thabelago go emela borapedi bja therešo ka go tia. Gape, lebiša tlhokomelo go “Tšwelang Pele le Gola Tsebong e Nepagetšego” gomme o gatelele bohlokwa bja go ba gona ka mehla Thutong ya Puku ya Phuthego.
12 mets:Letlolo la Dipotšišo. Polelo ka mogolo. Hlalosa lebaka leo ka lona banababo rena bao ba swarago diboka ba swanetšego go phema mokgwa o tlwaetšwego o sa swanelago wa go bitša batho ka go diriša maina a bona feela.
18 mets:Poledišano magareng ga mogolo le mohlanka wa bodiredi ka sehlogo se se rego, “Malapa a Boifago Modimo a Nakong e Fetilego—Mohlala Bakeng sa Mehla ya Rena,” seo se hwetšwago go matlakala 20-3 a tokollo ya Morokami wa September 15, 1995. Dira gore taba e be e šomago go hola malapa a lefelong leo.
Kopelo 143 le thapelo ya go phetha.
Beke e Thomago ka April 29
12 mets:Ditsebišo tša phuthego. Ba bangwe ba hlalosa Dihlatse tša Jehofa e le “sehlotswana sa bodumedi” goba “bodumedi bja setšo,” ka go aroša ba bangwe mabapi le mediro ya rena le maikemišetšo a rena. Ka go diriša puku ya Go Boledišana, letlakala 151, hlalosa ka boripana kamoo go ka ganetšwago ka gona tatofatšo ye. Gopotša yo mongwe le yo mongwe go akaretša le bao ba sa tšwago go swanelegela go ba bagoeledi ba sa kolobetšwago go tliša dipego tša bona tša tirelo ya tšhemo tša April ka nako. Ge e ba bohle ba swarišana, tlhora e kgolo e mpsha ya bagoeledi e swanetše go fihlelelwa ka April.
15 mets:Go Akaretša Tšhemo ya Rena ka Botlalo. Polelo ka molebeledi wa tirelo. Mafelo a phatlaletšego goba a kgole a ka šongwa ka sewelo. Ba bangwe ba ka phema ka boikemišetšo go šoma mafelong ao go ona batho ba humilego goba ba nweletšego bodumeding. Mašemo a tša kgwebo a ka hlokomologwa. Bagoeledi ba bangwe ka mehla ba ka kgopela mašemo ao ba a ratago bona ka noši go e na le ao mo nakong ye a nyakago go akaretšwa. Kgothaletša bohle go swarišana le maiteko a go akaretša mašemo ao a sa šongwego; mohlomongwe go ka rulaganyetšwa dihlopha tša dikoloi. Kgonthišega gore tšhemo e akaretšwa ka botlalo, go akaretša le bao ba sego gona gae pele e bušetšwa. Nea ditšhišinyo tše dingwe tše di šomago tše di bontšhago kamoo bohle ba ka thušago ka gona go akaretša tšhemo ya lena gabotse.
18 mets:Sepediša Morokami le Phafoga! ka May. Bolelela dikopi ka e tee ka e tee. Tšhemong yeo e akaretšwago gantši, sepediša poroutšha le ge e le efe e swanetšego. Boloka pego ya tšeo di sepedišitšwego ka moka, ka pakane ya go thoma tsejana ya dimakasine. Diriša dibaka tša go sepediša dipeeletšo. Gatelela mehola e megolo kudu ya go abja ga dimakasine e le e nngwe ya ditsela tše di atlegago kudu tša go iša molaetša wa Mmušo go batho bohle. A re kgonthišegeng gore re na le tše di lekanego ge re e-ya tirelong; di sepediše ka sebaka se sengwe le se sengwe. Dithulaganyo tša motho ka noši bakeng sa Letšatši la Dimakasine la beke le beke ke tsela e botse ya go oketša kabo ya dimakasine. Modiro wa lebenkele ka lebenkele le go nea bohlatse setarateng ka dimakasine le gona ke mo go atlegago. Latelela kgahlego ka maeto a go boela ao a reretšwego go thoma dithuto ka go diriša puku ya Tsebo. E-ba le pontšho e tee goba tše pedi tše kopana tša ge go sepedišwa ditokollo tša morago bjale, mohlomongwe o diriše dithero tše di hwetšwago ka go Tirelo ya Rena ya Mmušo ya September 1995, letlakala 5, dirapa 3-5; bala serapa 6.
Kopelo 195 le thapelo ya go phetha.