Ditsebišo
◼ Mpho ya dipuku ka January: Motho yo a Phagamego Kudu yo a Kilego a Phela ka moneelo wa R12,00, goba Go Tsoma ga Batho Modimo ka moneelo wa R6,00. February: Seremo se Segolo sa Kutollo se Batametše! ka moneelo wa R12,00. March: Tsebo e Išago Bophelong bjo bo sa Felego ka moneelo wa R4,00. Lebišang tlhokomelo tabeng ya go thoma dithuto tša Beibele. April: Peeletšo ya ngwaga o tee e tlago ka poso ya Morokami ka moneelo wa R48,00 bakeng sa dikgatišo tša gabedi ka kgwedi. Peeletšo ya ngwaga o tee bakeng sa dikgatišo tša gatee ka kgwedi goba peeletšo ya dikgwedi tše tshelelago bakeng sa dikgatišo tša gabedi ka kgwedi ke R24,00. Dipeeletšo tša setlamo ke R24,00 le R12,00 ka go latelana. Dira boiteko bjo bo kgethegilego gore o sepediše dikopi tša dimakasine ge mpho e ganwa.
◼ Bagoeledi ka moka bao ba kolobeditšwego bao ba lego gona Sebokeng sa Tirelo ka beke ya January 19 ba tla newa karata ya Advance Medical Directive/Release le Identity Card bakeng sa bana ba bona.
◼ Go thoma ka February le pele ga March 1, polelo e mpsha ya phatlalatša ya balebeledi ba tikologo e tla ba e rego, “Na o na le Pono e Swanago le ya Modimo ka Bophelo?”
◼ Diphuthego di swanetše go dira dithulaganyo tše di swanetšego bakeng sa go bina Segopotšo lenyaga ka Mokibelo, April 11, ka morago ga ge letšatši le sobetše. Gaešita le ge polelo e ka thoma e sa le ka pela, go fetišwa ga diswantšhetšo tša Segopotšo ga se gwa swanela go thoma go fihlela ka morago ga ge letšatši le sobetše. Nyakišišang methopong ya lefelong leo gore le tsebe nako yeo letšatši le sobelago ka yona lefelong la gabo lena. Le ge e ka ba e le mo gobotse gore phuthego e nngwe le e nngwe e sware monyanya wa yona wa Segopotšo, ga se ka mehla se se ka kgonegago. Moo diphuthego tše dintši ka tlwaelo di dirišago Holo e tee ya Mmušo, mohlomongwe phuthego e tee goba tše oketšegilego di ka hwetša lefelo le lengwe bakeng sa go le diriša mantšiboeng ao. Segopotšo ga se sa swanela go thoma bošego kudu mo batho bao ba sa tšwago go thabela ba ka hwetšago ba palelwa ke go ba gona. Le gona lenaneo ga se la swanela go pitlagana kudu mo go bilego go se na nako pele goba ka morago ga monyanya ya go dumediša baeng, dira dithulaganyo bakeng sa thušo ya moya e tšwelago pele bakeng sa bao ba thabelago, goba go kgothatšana ka kakaretšo. Ka morago ga go naganela mabaka ka moka ka tshwanelo, bagolo ba swanetše go dira phetho mabapi le gore ke dithulaganyo dife tšeo di tlago go thuša gabotse kudu bao ba bago gona Segopotšong gore ba holege ka mo go tletšego tiragalong ye.
◼ Polelo e kgethegilego ya phatlalatša bakeng sa nako ya Segopotšo sa 1998 e tla newa ka Sontaga, March 29. Go tla newa thulaganyo ya polelo. Diphuthego tšeo di nago le ketelo ya molebeledi wa tikologo, kopano ya tikologo goba letšatši le le kgethegilego la kopano mafelo-bekeng ao di tla ba le polelo e kgethegilego bekeng e latelago. Ga go na phuthego e swanetšego go ba le polelo e kgethegilego pele ga March 29, 1998.
◼ Go thoma ka beke ya May 4, 1998 le go tšwela pele go fihla ka beke ya September 14, 1998 go tla be go ahla-ahlwa puku ya Beibele—Na ke Lentšu la Modimo goba la Motho? Thutong ya Puku ya Phuthego.
◼ HLE ELANG HLOKO: Temana ya ngwaga ya 1998 e tla ba R16,00 ka e tee. Hle lokišang Cost List ya lena ka mo go swanetšego.
◼ April 4, 1998, e tla ba Letšatši la rena le le kgethegilego kudu la Dimakasine. Nakong e fetilego ba bantši ba ile ba thabela go ba le karolo medirong ya Letšatši le le kgethegilego la Dimakasine. Ke ka baka la’ng o sa thome go rulaganya gona bjale gore o be le karolo e tletšego lenyaga? Diphuthego di swanetše go romela diotara tše kgethegilego tša dimakasine kapejana ka mo go kgonegago.