Diboka Tša Tirelo Tša January
Beke e Thomago ka January 5
8 mets:Ditsebišo tša phuthego. Ditsebišo tše di kgethilwego go tšwa go Tirelo ya Rena ya Mmušo.
17 mets:“Thabela go Nea Bohlatse ka mo go Tletšego.” Poledišano ya sehlogo le batheetši. Gatelela dilo tše di nyakegago bakeng sa dithero tše di atlegago: (1) Dumediša ka bogwera, (2) nea tlhaloso ka taba ya gona bjale e kgahlišago goba o rotoše potšišo, (3) šupa temaneng ya Lengwalo e swanetšego (4) lebiša tlhokomelo pukung yeo e sepedišwago. Dira gore mogoeledi yo a nago le bokgoni a bontšhe thero e šišintšwego ya mathomo le leeto la go boela.
20 mets:Thuto ya Lapa Yeo e Tlišago Lethabo. Banyalani ba ahla-ahla dinyakwa tša moya tša lapa la bona. Ba tshwenyegile ka ditutuetšo tša lefase tšeo di kgomago bana ba bona ka tsela e sa lokago, ba lemoga go nyakega ga gore ba matlafatše boemo bja moya bja bana ba bona eupša ba dumela gore thuto ya bona ya lapa e bile yeo e sa swarwego ka mehla gomme gantši e bile e le e sa atlegago. Ba boeletša gotee dipolelelo tša kamoo go ka swarwago ka gona thuto ya lapa tšeo di neilwego ka go Morokami wa August 1, 1997, matlakala 26-9. Bobedi bja bona ba ikemišeditše go latelela tabeng ya go šireletša katlego ya moya ya bana ba bona.
Kopelo 142 le thapelo ya go phetha.
Beke e Thomago ka January 12
10 mets:Ditsebišo tša phuthego. Pego ya tša ditšhelete.
15 mets:“Diriša Dipampišana tša Taletšo Gabotse.” Poledišano le batheetši. Akaretša phihlelo ka go Morokami wa December 1, 1996, letlakala 13, serapa 15.
20 mets:“Jehofa o Nea Matla a Fetago a Tlwaelegilego.” Dipotšišo le dikarabo. (Bona w90-SE 7/15 19, dirapa 15-16.) Rulaganyetša gore ba bangwe ba laodiše diphihlelo tšeo di kgothatšago ba bontšha kamoo Jehofa a ba matlafaditšego ka gona.
Kopelo 81 le thapelo ya go phetha.
Beke e Thomago ka January 19
10 mets:Ditsebišo tša phuthego. Ditaba tša Pušo ya Modimo. Bolela tebogo bakeng sa thekgo ya tša ditšhelete.
15 mets:Tše di nyakegago tša phuthego.
20 mets:Lokišetša Gona Bjale go Thekga Molao wa Modimo ka Madi. Mogolo yo a swanelegago o ahla-ahla bohlokwa bja go tlatša karata ya Advance Medical Directive/Release. Tlhahlo e buduletšwego go Psalme 19:7 e bontšha gore Ditiro 15:28, 29 ke polelo ya molao o phethagetšego wa Modimo ka madi. Barapedi ba botegago ka go se kwanantšhe ba katanela go thekga molao woo. Dikarata tše di tsebatša boikemišetšo bja gago bja go dira bjalo gomme di a go bolelela ge o sa kgone go ipolelela. (Bapiša le Diema 22:3.) Karata e mpsha e nea boipolelo bja gona bjale bja go gana ga gago go amogela madi. Ka morago ga seboka se, Dihlatse tšeo di kolobeditšwego tšeo di kganyogago go ba le karata e mpsha di tla e newa, gomme bao ba nago le bana ba banyenyane bao ba sa kolobetšwago ba tla amogela Identity Card bakeng sa ngwana yo mongwe le yo mongwe. Dikarata tše ga se tša swanelwa go tlatšwa bošegong bjo. Di swanetše go tlatšwa gae ka kelohloko eupša DI SE KE tša saenwa. Go saena, go hlatsela le go ngwalwa ga tšatši-kgwedi di tla dirwa ka morago Thutong e latelago ya Puku ya Phuthego, ka tlase ga tlhokomelo ya moswari wa thuto ya puku. Se se tla kgonthiša gore bohle bao ba abetšwego sehlopheng sa gagwe bao ba nyakago go tlatša karata ye ya tša kalafo ba hwetša thušo e nyakegago. Bao ba saenago e le dihlatse ba swanetše go bona mong wa karata a saena karata. Motho le ge e le mang yo a sego gona ka nako yeo gomme a kganyoga go tlatša le go saena karata o tla thušwa ke baswari ba thuto/bagolo Sebokeng se se latelago sa Tirelo go fihlela ge dikarata tša bagoeledi ka moka ba kolobeditšwego di tladitšwe ka tshwanelo. (Boeletša lengwalo la October 15, 1991.) Ka go dumelelanya mantšu ao a lego karateng ye le maemo a bona le ditumelo tša bona, bagoeledi ba sa kolobetšwago ba ka ngwala taelo ya bona bakeng sa go e diriša bona ka noši le bana ba bona.
Kopelo 146 le thapelo ya go phetha.
Beke e Thomago ka January 26
12 mets:Ditsebišo tša phuthego. Boeletša mpho ya puku ya February. Bolela ntlha e tee goba tše pedi tšeo di tšwago pukung ya Seremo sa Kutollo tšeo e tlago go ba tše di holago ge o e sepediša.
15 mets:“Bontšha Tlhompho ya go Hlompha Lefelo la Jehofa la Borapedi.” Dipotšišo le dikarabo. E swarwe ke mogolo, yo ka botho a swanetšego go bontšha go šoma ga yona lefelong leo.
18 mets:Go Bega Karolo ya Rena Modirong wa go Nea Bohlatse wa Lefase ka Bophara. (E theilwe pukung ya Bodiredi bja Rena, matlakala 100-2, 106-10) Polelo le poledišano di swarwe ke mongwaledi. Ka morago ga go bontšha mohlala wa Mangwalo bakeng sa go bega modiro wa rena ka mehla, o laletša bahlanka ba bodiredi ba babedi go boeletša sehlogo se se rego, “Lebaka Leo re Begago Tirelo ya Rena ya Tšhemo.” Ke moka mongwaledi o gatelela bohlokwa bja go tliša dipego tše di nepagetšego ka pela-pela gomme o kgothaletša bohle gore ba tsenye dipego tša bona tša tirelo ya tšhemo tša January mafelelong a kgwedi. O bolela mabaka ao ka ona go ipeela dipakane e lego mo go holago, a phetha ka ditlhaloso tše kgothatšago mabapi le ditšhegofatšo tšeo di tlelago bao ba bago le karolo ka mo go tletšego modirong wa go nea bohlatse.
Kopelo 189 le thapelo ya go phetha.