Diboka tša Tirelo tša July
Beke e Thomago ka July 6
10 mets:Ditsebišo tša phuthego. Ditsebišo tše di kgethilwego go tšwa go Tirelo ya Rena ya Mmušo. Ditaba tša Pušo ya Modimo.
15 mets:“Ke mo Gobotse Gakaakang go ba Gona ka Mehla!” Dipotšišo le dikarabo. Kgothaletša bafsa gore ba be gona ka mehla dibokeng.
20 mets:“Baagišani ba Rena ba Swanetše go kwa Ditaba tše di Lokilego.” Rulaganyetša gore bagoeledi ba babedi goba ba bararo bao ba nago le bokgoni ba boeletše ditšhišinyo tša go sepediša diporoutšha tšeo phuthego e nago le tšona setokong. Hlalosa lebaka leo ka lona e ka bago tše di atlegago tšhemong ya lefelong leo. Gatelela pakane ya go thoma dithuto tša Beibele ka poroutšha ya Seo Modimo a se Nyakago goba puku ya Tsebo. Dira pontšho ya thero ya leeto la pele gomme e latelwe ke go thoma leeto la go boela gotee le go ithapela go swara thuto.
Kopelo 73 le thapelo ya go phetha.
Beke e Thomago ka July 13
10 mets:Ditsebišo tša phuthego. Pego ya tša ditšhelete. Kgothaletša bohle go naganišiša ka mo go tseneletšego ka go ngwadiša e le babulamadibogo ba go thuša ka August, ka ge go tla be go e-na le mafelo-beke a mahlano a tletšego.
15 mets:Tše di nyakegago tša phuthego.
20 mets:Na Moya wa Lefase o a go Šilafatša? Polelo ka mogolo e theilwego go Morokami wa October 1, 1997, matlakala 25-9.
Kopelo 182 le thapelo ya go phetha.
Beke e Thomago ka July 20
8 mets:Ditsebišo tša phuthego. Boeletša lepokisi le le rego, “Dikete tše Masome-tshela-hlano!”
12 mets:“Ketelo Yeo e ka Bago Tšhegofatšo.” Poledišano magareng ga bagolo ba babedi. Hlalosang maikemišetšo a modiro wa bodiši go etša ge a boeleditšwe ka go Morokami wa September 15, 1993, matlakala 20-3. Kgothaletšang phuthego ka borutho go lebelela pele diketelong tša bagolo.
25 mets:“Tirelo ya Bobulamadibogo—Na e go Swanetše?” (Dirapa 1-14) Molebeledi wa tirelo o nea matseno a makopana a go bula, a kgothaletša bohle gore ba nagane ka mo go tseneletšego ka go ba babulamadibogo ba ka mehla. Ke moka o ahla-ahla potšišo 1, go akaretša le ditlhaloso tšeo di lego ka go 1998 Yearbook, sehlogong se se rego, “Enthusiastic Pioneer Spirit” go matlakala 104-5. Ditho tše pedi goba tše tharo tša phuthego tšeo di nago le phihlelo ya bobulamadibogo di mo tlatša sethaleng go yo ahla-ahla potšišo 2. Di nea pono e šomago le ya kgonthe ya kamoo go kgonegago ka gona go hwetša dinyakwa tša dilo tše di bonagalago e le babulamadibogo. Ke moka batswadi ba babedi ba tlatša sehlopha bakeng sa go ahla-ahla potšišo 3. Ba nea mabaka a kwagalago ao ka ona bafsa ba swanetšego go naganišiša ka mo go tseneletšego ka go dira tirelo ya nako e tletšego modiro wa bophelo ka moka. Kgothaletša bohle go ba gona Sebokeng sa Tirelo sa bekeng e latelago, nakong ya ge dipotšišo tše di šetšego di tla hlahlobja.
Kopelo 80 le thapelo ya go phetha.
Beke e Thomago ka July 27
15 mets:Ditsebišo tša phuthego. Gopotša bohle gore ba tsenye dipego tša bona tša tirelo ya tšhemo tša July. Tsebiša dithulaganyo tša tirelo bakeng sa mafelo-beke a pele ka August, gomme o kgothaletše bohle gore ba be le karolo. Boeletša “Lenaneo le Lefsa la Kopano ya Tikologo.”
30 mets:“Tirelo ya Bobulamadibogo—Na e go Swanetše?” (Dirapa 15-25) Polelo le poledišano yeo e swarwago ke mogolo. Rulaganya e sa le pele gore babulamadibogo le bao ba ilego ba bula madibogo nakong e fetilego ba bolele mantšu a tšwago pelong ge ba araba dipotšišo 4-5. Ba gatelela go nyakega ga thulaganyo e botse le go e kgomarela, ba nea mehlala, ba nea dithulaganyo tša tirelo tša beke le beke tšeo di šomago e le ka kgonthe. Mogolo o phetha ka polelo e tutuetšago yeo e arabago potšišo 6. Mathomong a ngwaga wa tirelo ka September 1 ke nako e botse ya gore babulamadibogo ba bafsa ba thome tirelo ya bona ya nako e tletšego. Difomo tša kgopelo di ka hwetšwa go setho le ge e le sefe sa Komiti ya Tirelo ya Phuthego.
Kopelo 51 le thapelo ya go phetha.