Ditaba Tša Pušo Ya Modimo

◼ Dinaga tša Afrika Bodikela tša Benin, Cameroon, Côte d’Ivoire, Ghana, Liberia le Nigeria ka moka di fihleletše ditlhora tše mpsha tša bagoeledi ka February.

◼ Bafaladi ba bantši ba ile ba thoma go boela Liberia, gomme go na le tlala ya kgonthe ya therešo nageng yeo. Tlhora ya bona ya February ya bagoeledi ba 2286 e begile dithuto tša legae tša Beibele tše 6277.

◼ Afrika Borwa, Dikomiti tša Meago tša Tikologo di sepedišana gabotse le lenaneo la tšona la go aga Diholo tša Mmušo. Ka baka leo, diholo tše di latelago di ile tša neelwa ka April: Bronkhorstspruit (Gauteng) le Eerstehoek, Maotole, Somerset le Tjakastad (Mpumalanga). Se se tliša palo ya diholo tše di neetšwego ngwageng wo wa tirelo go 19. Gona bjale Dikomiti tša Meago tša Tikologo di swaragane le thulaganyo le kago ya diholo tše fetago tše 30. Go bontšhwa tebogo e tšwago pelong ya go leboga modiro o mobotse wo o dirwago ke dikomiti le badiri ba baithapi nageng ka moka.

◼ Sehlakahlaka sa Madagascar se fihleletše tlhora e mpsha ya bagoeledi ba 9484 yeo e bilego koketšego ya 14 lekgolong go feta palogare ya ngwagola. Gape ba ile ba bega dithuto tša legae tša Beibele tša ka godimo ga 20 000 ka February.