Ditaba tša Pušo ya Modimo

◼ Dihlatse tša Jehofa di ile tša ngwadišwa ka molao Bulgaria ka October 7, 1998. Re gotee le bagoeledi ba 946 ba lego moo go lebogeng Jehofa ka baka la tšwelopele ye.

◼ Ka October 12, 1998, mmušo wa Latvia o ile wa dumelela go ngwadišwa ga molao ga diphuthego tše 2 tša pele tša tše 21 nageng yeo.

◼ Go sa šetšwe kganetšo, banababo rena kua Fora ba phegelela boboleding bja bona bja Mmušo. Ka November le December, go ile gwa hlongwa lesolo la go lebiša tlhokomelo ya naga yeo Beibeleng ka kabo e kgethegilego ya poroutšha ya Puku ya Batho ka Moka. Mo e ka bago badiredi ba Bethele ba 50 ba ile ba huduga go tloga Fora go ya Brithania go yo thuša ka mediro ya tša go gatiša le ya tša thomelo lekaleng, mola ditho tše šetšego tše 250 tša lapa la Bethele Fora le banababo rena ba lego tšhemong ba ile ba tšwela pele ba hlankela ka lethabo ka tlase ga maemo a tlwaelegilego.

◼ Afrika Borwa kgweding ya pele ya ngwaga wa tirelo wa 1999, Holo ya Mmušo ya Tsumeb (Namibia) e ile ya neelwa. Kgweding e latetšego go ile gwa neelwa Holo ya Mmušo e mpsha Pretoria North gomme ka November, diholo tše latelago tše tshela di ile tša neelwa: Inanda Newtown West, Maphophoma, Nongoma le Nyuswa (ka moka di kua KwaZulu Natal), Jwaneng (Botswana) le Bloemfontein South. Re thaba le diphuthego tše tšeo gona bjale di nago le Diholo tša Mmušo tše dibotse tšeo di rapelago Jehofa go tšona.