Diboka tša Tirelo tša February
Beke e Thomago ka February 1
10 mets: Ditsebišo tša phuthego. Ditsebišo tše di kgethilwego go tšwa go Tirelo ya Rena ya Mmušo. Gopotša bohle gore ba tliše dipego tša tirelo ya tšhemo tša January.
17 mets: “Sepediša Puku ya Lethabo la Lapa go Batho ba Nywaga ka Moka.” Mogolo o ahla-ahla sehlogo le bagoeledi ba babedi goba ba bararo bao ba nago le bokgoni. Lebiša tlhokomelo pakaneng ya go thuša ba bangwe go lemoga gore sephiri sa lethabo la lapa se ithekgile ka go latela keletšo ya Beibele. (Bona Lethabo la Lapa, matlakala 10-12.) Dira pontšho ya tše dingwe tša dithero tše di šišintšwego. Bontšha kamoo go ka rulaganywago ka gona leeto la go boela.
18 mets: ‘Aparang Motho yo Mofsa.’ Polelo, yeo e ahla-ahlago Ba-Efeso 4:20-24. (Bona Morokami wa March 1, 1993, matlakala 14-18, dirapa 4-17.) Hlalosa kamoo re apolago motho wa kgale ka gona gomme ra apara yo mofsa.
Kopelo 4 le thapelo ya go phetha.
Beke e Thomago ka February 8
10 mets: Ditsebišo tša phuthego. Pego ya tša ditšhelete.
15 mets: Tše di nyakegago tša phuthego.
20 mets: “Boikemišetšo bja Rena—Go Phegelela Tsela ya Jehofa ya Bophelo.” Polelo. Akaretša kgothatšo bakeng sa bohle gore ba be gona ka mehla dibokeng tše hlano tša beke le beke tša phuthego.
Kopelo 173 le thapelo ya go phetha.
Beke e Thomago ka February 15
10 mets: Ditsebišo tša phuthego. Ditaba tša Pušo ya Modimo.
18 mets: Go Ngwadiša Sekolong sa Bodiredi sa Pušo ya Modimo go re Hola Bjang? Poledišano le batheetši yeo e swarwago ke molebeledi wa sekolo. Go tlwaetša go bolela phatlalatša ga se wona feela morero wa sekolo. Go na le ditsela tše dingwe tšeo re holegago ka tšona ka go lebanya. (Bona Puku ya Tlhahlo ya Sekolo, matlakala 11-13.) Re ithuta kamoo re ka boledišanago gakaone ka gona le batho ba bangwe. Re rutwa go bolela ka mo go kwalago, ka go iketla le ka go ikholofela. Re ba le bokgoni bja go araba dipotšišo tšeo di lego mabapi le ditumelo tša rena le go hlalosa diphetho tša rena tše di theilwego Beibeleng. Tsebo ya rena ya go tseba Beibele e a oketšega, e re thuša gore re be ba atlegago ka mo go oketšegilego go neeng bohlatse go ba bangwe. Re ithuta go amogela diphošo tša rena le go amogela keletšo, mo go feleletšago ka gore re dirišane ka botho kudu le ba bangwe. Tlwaetšo ka kakaretšo yeo sekolo se e neago e re thuša gore re dule re ‘swanelega ka mo go lekanego’ re le badiredi ba Modimo.—2 Ba-Kor. 3:5, 6, NW.
17 mets: “Kamoo Ditho tša Lapa di Dirišanago ka Gona Bakeng sa go ba le Karolo ka mo go Tletšego—Thutong ya Beibele.” Poledišano ka sehlopha sa lapa. Ba hlahloba kamoo ba šomišago ka gona ditšhišinyo tšeo di lego mabapi le mmalo le thuto ya lapa ya Beibele tšeo di hwetšwago ka go Morokami wa May 15, 1996, matlakala 14-15 le Morokami wa October 15, 1992, matlakala 16-17.
Kopelo 57 le thapelo ya go phetha.
Beke e Thomago ka February 22
10 mets: Ditsebišo tša phuthego.
15 mets: Go Nea Bohlatse Difoleteng tša Tšhireletšo e Tiilego le Dintlong tša Toropong Tšeo di Ageleditšwego Gotee. (Ge e ba le se na bothata bjo tšhemong ya gabo lena, ahla-ahlang tšeo di nyakegago tša phuthego goba sehlogo se se rego, “Bolelang ka Sebete” se se lego ka go Tirelo ya Rena ya Mmušo ya January 1996.) Poledišano le bagoeledi ba babedi goba ba bararo. Go thata go nea bohlatse go batho bao ba dulago difoleteng le bao ba dulago dintlong tša toropong tšeo di ageleditšwego gotee moo poledišano e lekanyeditšwego go seo go ka bolelwago ka sona ka intercom. Ahla-ahlang ditsela tša go tsoša kgahlego. Ka mokgwa wa bogwera, itsebiše o le moagišani; diriša leina la mong wa ntlo ge e ba le bontšhitšwe pukung ya megala; bolela ka sehlogo se se lego nakong seo o nyakago go se ahla-ahla goba bala matseno ka go lebanya go tšwa pukung ya Go Boledišana, matlakala 9-15; gomme o mo hlalosetše gore o rata go mo sepedišetša pampišana, makasine goba poroutšha yeo e arabago potšišo ya bohlokwa gomme o bolele potšišo ya gona. Moo poledišano e lego e lekanyeditšwego, ngwalela bahiri goba o ba nee bohlatse setarateng ge ba dutše ba tsena le go tšwa. Bontšha mokgwa wo o dirišwago lefelong leo woo o bilego le mafelelo a mabotse ka badudi ba mafelo a a raraganego.
20 mets: Kamoo o ka Hwetšago Lethabo ka Gona go Direng Barutiwa. Polelo e theilwego go Morokami wa February 15, 1996, matlakala 19-22.
Kopelo 91 le thapelo ya go phetha.