Ditsebišo

◼ Mpho ya dipuku ka May: Dikopi ka e tee ka e tee tša Morokami le Phafoga! Swara poroutšha ya Seo Modimo a se Nyakago bakeng sa batho ba ba thabelago gomme o katanele go thoma dithuto tša legae tša Beibele. June: Tsebo e Išago Bophelong bjo bo sa Felego ka moneelo wa R5,00 bakeng sa dipuku tša letlalo le thata le R3,75 bakeng sa tša letlalo le boleta. July le August: Poroutšha le ge e le efe ya tše di latelago ya matlakala a 32 e ka sepedišwa ka moneelo wa R1,20 ka e tee: Ge Motho yo o mo Ratago a E-hwa, Go Direga’ng go Rena ge re E-hwa?, Mmušo Woo o Tlago Tliša Paradeise, Morero wa Bophelo ke Ofe—O ka o Hwetša Bjang?, Na Modimo Ruri o na le Taba le Rena?, Na o Swanetše go Dumela Boraro Botee? le Thabela Bophelo Lefaseng ka mo go sa Felego! Diporoutšha tša Meoya ya Bahu—Na e ka go Thuša Goba ya go Gobatša? Na ge e le Gabotse e Gona?, Our Problems—Who Will Help Us Solve Them?, Puku ya Batho ka Moka le Will There Ever Be a World Without War? di ka sepedišwa moo go swanetšego.

◼ Dibaka tša go ya dinageng tša moše wa mawatle ke tše di dulago di bulegile nywageng ya morago bjale. Ka baka leo, banababo rena ba bantši ba rulaganyeleditše go etela dinaga tše dingwe. Gantši ba ikgokaganya le diofisi tša lekala tša Mokgatlo ba kgopela tsebišo. Diofisi tša lekala di thabela go nea diaterese tša Diholo tša Mmušo le dinako tša diboka go thuša go ikgokaganya le diphuthego tša lefelong leo. Le gona di ka nea tlhahlo bakeng sa go etela ofisi ya lekala. Lega go le bjalo, dipego di bontšha gore go botšišwa ka dilo tše dintši tše oketšegilego tša mabapi le dithulaganyo tša leeto, mafelo a marobalo, dilo tše kgahlišago tša lefelong leo le ditaba tše swanago le tšeo. Diofisi tša lekala ga se tša hlangwa e bile ga di na nako ya go nea tsebišo ya mohuta wo. Baeng ba kgothaletšwa go ikopanya le methopo e bjalo ka ya ditsebi tša tša bosepedi goba tša tša go boga naga, tšeo gantši di neago baeng ba go boga naga tsebišo bakeng sa tša mesepelo.

◼ Lesolo la tšhemo ya rena e sa abjago bakeng sa 1999 le rulagantšwe bakeng sa dikgwedi tša August go ya go October. Gaešita le ge diphuthego tše dintši di tla be di e-ya tšhemong ya tšona e sa abjago ya ka mehla, go tla kgethwa diphuthego tše sego kae gore di thuše diphuthego tša batho ba baso go akaretša tšhemo ya tšona. Thulaganyo ye e a nyakega ka gobane mafelo a mantši a dipolasa ga a dulwe mola e le gore metse e mengwe ya ditoropong e na le batho ba bantši mo e lego gore diphuthego tša mafelong ao ga di kgone go hlokomela tšhemo ka mo go swanetšego. Diphuthego di kgothaletšwa go rulaganya e sa le pele gore di dire nako ya lesolo la tšhemo e sa abjago la dikgwedi tše tharo leo le atlegago kudu.

◼ HLE ELANG HLOKO: Go na le diphetogo matšatšing a latelago a dikopano tša selete, ka ntle le ge go bontšhitšwe:

December 10-12:

Durban (Seisemane, Polelo ya Diatla)

East London (Seisemane; kopano e mpsha)

Empangeni

George

Soweto (se-Zulu 1)

Walvis Bay (se-Afrikaans/Seisemane; kopano e mpsha)

December 17-19:

Cape Town

Durban (se-Zulu)

Ermelo

Mbabane (Seisemane; kopano e mpsha)

Phalaborwa

Pretoria (se-Afrikaans, Seisemane; kopano e mpsha)

Pretoria (se-Zulu)

Soweto (Sesotho)

Thohoyandou

Umtata

Windhoek (se-Kwanyama feela)

December 24-26:

Lebowakgomo

Mafikeng

Newcastle

Pietermaritzburg

Soweto (se-Zulu 2)

Vereeniging (Sesotho, se-Zulu; kopano e mpsha)