Diboka tša Tirelo tša November
Beke e Thomago ka November 1
10 mets: Ditsebišo tša phuthego. Ditsebišo tše di kgethilwego go tšwa go Tirelo ya Rena ya Mmušo. Ahla-ahla “Bona Matla a Beibele!” Gopotša bao ba sego ba tliša dipego tša bona tša tirelo go dira bjalo lehono pele ga ge pego ya phuthego e ka romelwa go Mokgatlo.
15 mets: “Boboledi bo a re Arola.” Lekanyetša ditlhaloso tša matseno ka tlase ga motsotso, gomme o latele ka poledišano ya dipotšišo le dikarabo. O diriša puku ya Tsebo, letlakala 173, serapa 8, ka boripana hlalosa seo re ka se bolelago go kgothaletša morutwana wa Beibele go katanela go ba le karolo bodireding.
20 mets: “Ke Mang yo a ka Amogelago Thuto ya Beibele?” Polelo le dipontšho. Ka go dumelelana le serapa 4, akanya ka ditsela tše mmalwa tša go tsoša kgahlego ka go ithuta tšeo dipuku tša rena di di huperego. E ba le dipontšho tše pedi tše kopana tšeo di bontšhago gore seo se ka dirwa bjang. Laletša batheetši go bolela gore ba atlegile bjang go thomeng dithuto.
Kopelo 198 le thapelo ya go phetha.
Beke e Thomago ka November 8
10 mets: Ditsebišo tša phuthego. Pego ya tša ditšhelete. Gopotša banababo rena gore ba lokišetše bakeng sa poledišano ya bekeng e tlago ya dirapa tše 18 tša mathomo ka go pampiri ya ka gare ya November.
15 mets: Letlolo la Dipotšišo. Polelo. Bolela ditokišetšo tša phuthego ya lena bakeng sa go boloka Holo ya Mmušo e hlwekile e bile e le boemong bjo bo botse.
20 mets: “O tla Re’ng go Momoseleme?” Dipotšišo le dikarabo. Bontšha go nyakega ga temogo ge re bolela le batho ba ditšo tše dingwe. Dira pontšho e lokišeditšwego gabotse. Bakeng sa tsebišo e oketšegilego ka Bomoseleme, bona pampiri ya ka gare ya Tirelo ya Rena ya Mmušo ya February 1998; puku ya Go Boledišana, matlakala 23-4; le Go Tsoma ga Batho Modimo, kgaolo 12.
Kopelo 208 le thapelo ya go phetha.
Beke e Thomago ka November 15
8 mets: Ditsebišo tša phuthego.
25 mets: “Go Dirišwa ga Internet—Phafogelang Dikotsi tša Yona!” Poledišano ya dipotšišo le dikarabo ya dirapa 1-18. Bala dirapa 4-7, 16, 17. Kgothaletša bohle go lokišetša gabotse bakeng sa poledišano ya beke e tlago ya dirapa 19-36.
12 mets: Batswadi—Na le Swara Thuto ya ka Mehla ya Lapa? Polelo le poledišano le batheetši. Hlalosa gore ke ka baka la’ng malapa a swanetše go ithuta a le gotee. (Bona puku ya Tlhahlo ya Sekolo, matlakala 37-8.) Bolela ka ditšhitišo tše di latelago thutong ya lapa: (1) go kwa eka bana ke ba banyenyane kudu go ka holega, (2) go nagana gore go ba gona dibokeng tša phuthego go lekane, (3) go lapa ka baka la go swarega le (4) go šitišwa ke go bogela thelebišene. (Bona Morokami wa May 15, 1994, matlakala 11-12.) Kgopela dihlogo tša malapa gore di bolele gore di fenya bjang mathata bakeng sa go kgomarela lenaneo le lebotse la ka mehla la thuto ya lapa. Gatelela gore se se nyaka maiteko, boikemišetšo le tirišano.
Kopelo 217 le thapelo ya go phetha.
Beke e Thomago ka November 22
10 mets: Ditsebišo tša phuthego. Ahla-ahla pego ya modiro wo o dirilwego tšhemong e sa abjago gomme o laodiše diphihlelo le ge e le dife tše di kgahlišago.
10 mets: Boemo bja Gago bja Kgopolo ke Bofe Mabapi le Dikabelo? Polelo ka mogolo. Go na le lenaneo le le telele la mediro e bohlokwa yeo e nyakegago bakeng sa go dira gore phuthego e tšwele pele e šoma: go lokišetša lenaneo la dikabelo; go tšea ba bangwe go ba iša dibokeng goba go ya le bona tirelong; go thuša ba ba godilego; go hlwekiša, go lokiša le go hlokomela Holo ya Mmušo go akaretša le go hlokomela bjang. O arabela bjang ge o kgopelwa go thuša? Ba bangwe ba ka gana, ba dumela ka go gonona goba ba palelwa ke go šoma go fihla mafelelong. Hlalosa gore ke ka baka la’ng go amogela le go phethagatša kabelo e le tokelo e thabišago. Kgothaletša bohle ka phuthegong go bontšha moya wa go ithapa ka go rata.—Ps. 110:3, mongwalo wa tlase wa NW; Jes. 6:8.
25 mets: “Go Dirišwa ga Internet—Phafogelang Dikotsi tša Yona!” Poledišano ya dipotšišo le dikarabo ya dirapa 19-36. Bala dirapa 23-5 le 34-6.
Kopelo 223 le thapelo ya go phetha.
Beke e Thomago ka November 29
10 mets: Ditsebišo tša phuthego. Gopotša bagoeledi go tliša dipego tša bona tša tirelo ya tšhemo tša November.
15 mets: Kgothaletša ba Bafsa go ba Gona Dibokeng. Poledišano gare ga mogolo le mohlanka wa bodiredi o tee goba ba babedi, yeo e theilwego poroutšheng ya Ba Dira Thato ya Modimo matlakala 14-15. Seka-seka gore ke ka baka la’ng go le bohlokwa gore ba bafsa ba be gona dibokeng. Moo ba tla amogela karolo e kgolo ya thuto ya bona, kgothatšo le thušo. Seka-seka diboka tše hlano tša beke le beke, o hlalose mohola wa se sengwe le se sengwe. Ahla-ahla gore ke bjang diboka di godišago boitshwaro bja rena bja go boifa Modimo, di agago moyeng, di re gogelago mokgatlong, di re thušago go ba le ditswalano tša kgaufsi le ba bangwe le go re thuša go kwešiša morero wa bodiredi bja rena. Kgothaletša batheetši go diriša poroutšha go tutueletša ba bafsa go tla dibokeng.
20 mets: Kgetho ya Rena—New World Translation. Polelo le dipontšho. Gare ga mekgatlo ya bodumedi, wa rena ke moswana-noši ka ge re gatiša, re diriša, le go aba phetolelo ya Beibele yeo e gatišitšwego ke barapedi ba tloditšwego ba Jehofa. Ga se gore re kganyoga go hwetša tšhelete goba go phatlalatša ditumelo tša sehlotswana. Go e-na le moo, re tutuetšwa ke kganyogo ya go hlompha leina la Modimo le go thuša ba bangwe gore ba mo tsebe gakaone. Diphetolelo tše dingwe gantši di tšweletša Lentšu la Modimo ka mokgwa woo go lego bothata go le kwešiša, ka gona ahla-ahla mehola ya New World Translation. (Bona puku ya ‘Mangwalo ka Moka’ matlakala 327-31. Hlokomela ditlhaloso tše di lego go serapa 3, šupa mehlala ya dilo tšeo di kaonefaditšwego go serapa 6, gomme o akaretše mehola e akaretšwago go dirapa 22-3.) E-ba le dipontšho tše pedi tše kopana tšeo di bontšhago kamoo re ka arabelago ka gona ge ba bangwe ba re, “Le na le Beibele yeo e lego ya lena.”—Bona puku ya Go Boledišana, matlakala 356-57.
Kopelo 205 le thapelo ya go phetha.