Tlhahlobo ya Sekolo sa Bodiredi sa Pušo ya Modimo

Tlhahlobo ya Sekolo sa Bodiredi sa Pušo ya Modimo

Tlhahlobo yeo e lebelelwago go ditaba tšeo di akareditšwego Sekolong sa Bodiredi sa Pušo ya Modimo dikabelong tša dibeke tša September 6 go ya go December 20, 1999. Diriša letlakala le le arogilego go ngwalela dikarabo tša dipotšišo tše dintši kamoo o ka kgonago ka gona ka nako e neilwego.

[Tlhokomedišo: Nakong ya tlhahlobo e ngwalwago, ke Beibele feela yeo e ka dirišwago go araba potšišo le ge e le efe. Ditšhupetšo tše di latelago dipotšišo ke tša nyakišišo ya gago ka noši. Dinomoro tša letlakala le tša serapa mo gongwe di ka se ke tša tšwelela ditšhupetšong ka moka tša Morokami.]

Araba le lengwe le le lengwe la mafoko a latelago ka Therešo goba Maaka:

1. Jehofa o dumeletše pušo ya motho ya go ipuša e le go hlatsela gore tsela ya Gagwe ya go buša ke e lokilego le ya toka ka mehla. (Doit. 32:4; Jobo 34:10-12; Jer. 10:23) [1, w97-SE 2/15 letl. 5 ser. 3) Therešo.

2. Beibele e bontšha gore Modimo o sola dipelaelo ka moka. [3, w97-SE 12/1 letl. 30 dir. 3-4] Maaka. Ditiro tše dintši tša go hloka toka le mathata lefaseng le le fošagetšego leo re phelago go lona di nyaka go phošollwa ka mo go swanetšego.

3. Batswadi ba boloka ditswalano le bana ba bona bao ba tsenego lenyalong boemong bjo bo swanetšego ka go lemoga melao ya motheo ya go boifa Modimo ya bohlogo le thulaganyo e botse. (Gen. 2:24; 1 Ba-Kor. 11:3; 14:33, 40) [5, fy-SE letl. 164 ser. 6] Therešo.

4. Mareka 6:31-34 e bontšha gore Jesu o be a tutuetšwa ke go kwela lešaba bohloko feela ka baka la go babja ga bona le bodiidi. [6, w97-SE 12/15 letl. 29 ser. 1] Maaka. Jesu o be a tutuetšwa ke boemo bja bona bja moya. Baetapele ba bona ba bodumedi ba be ba ikhola ka bona.

5. Ge e ba Mokriste wa sehlopha sa dinku tše dingwe a sa kgone go ba gona Segopotšong sa lehu la Jesu, o swanetše go se bina kgwedi ka morago e le go dumelelana le molao wa motheo o go boletšwego ka ona go Numeri 9:10, 11. (Joh. 10:16) [7, Mmalo wa Beibele wa beke le beke; bona w93-SE 2/1 letl. 31 ser. 9.] Maaka. Ka ge “dinku tše dingwê” di sa je diswantšhetšo, ga go nyakege thulaganyo e nngwe e kgethegilego.

6. Le ge e le gore bo-makgolo le bo-rakgolo bao e lego Bakriste ga ba tšee boikarabelo bja tate le mma bja go mediša ditherešo tša Beibele baneng ba bona, ba kgatha karolo ya bohlokwa go okeletšeng kgolo ya moya ya ngwana. (Doit. 6:7; 2 Tim. 1:5; 3:14, 15) [7, fy-SE letl. 168 ser. 15] Therešo.

7. Diema 6:30 e bontšha gore go utswa go ka lokafatšwa ka tlase ga maemo a itšego. [10, g97-SE 11/8 letl. 21 ser. 2] Maaka. Temana 31 e bontšha gore Modimo o sa dutše a lebelela lehodu e le leo le swanelwago ke kotlo bakeng sa molato wa lona.

8. Ka 1530, William Tyndale e bile wa pele go diriša leina la Modimo e lego Jehofa, ka phetolelo ya Seisemane ya Mangwalo a Sehebere. [12, w97-SE 9/15 letl. 28 ser. 3] Therešo.

9. Lehono, motse wa seswantšhetšo wa botšhabelo ke tokišetšo ya Modimo ya go re šireletša lehung ka baka la go roba molao wa gagwe o lego mabapi le go kgethega ga madi. (Num. 35:11) [15, Mmalo wa Beibele wa beke le beke; bona w95-SE 11/15 letl. 17 ser. 8.] Therešo.

10. Leina Doiteronomio leo le bolelago “Molao wa Bobedi” ke le le swanetšego ka gobane puku ye ya Beibele ke go boeletšwa feela ga molao. [16, Mmalo wa Beibele wa beke le beke; bona si-SE letl. 36 ser. 4.] Maaka. Go ya ka Doiteronomio 1:5, ke tlhaloso ya Molao gomme e na le melao e mentši ya motheo e bohlokwa bakeng sa go hola rena lehono.

Araba dipotšišo tše di latelago:

11. Ke eng seo se swantšhetšwago ke dinkgwa tše pedi tše ometšwego tšeo di bego di newa ke moperisita yo mogolo ka Monyanya wa Pentekoste? (Lef. 23:15-17) [3, Mmalo wa Beibele wa beke le beke; bona w98-SE 3/1 letl. 13 ser. 21.] Dinkgwa tše di ometšwego di swantšhetša batho ba 144 000 bao ba sa phethagalago bao Jesu a “ba reketšexo Modimo” gore ba hlankele e le “maxoši le baperisita”; taba ya gore babuši ba ba tšwa dikarolong tše pedi tša batho ba sebe e lego ba-Juda le ba-Ntle, le yona e ka swantšhetšwa ke dinkgwa tše pedi tše di ometšwego. (Kut. 5:9, 10; 14:1, 3) (Ya go swana le yeo e a amogelwa)

12. Ngwaga wa Mogobo wa Bakriste o thomile neng, gomme o ile wa tliša tokologo ya mohuta mang mehleng yeo? (Lef. 25:10) [4, Mmalo wa Beibele wa beke le beke; bona w95-SE 5/15 letl. 24 ser. 14.] O thomile ka Pentekoste ya 33 C.E. ge ba ba amogetšego moya o mokgethwa o tšholotšwego ba be ba lokollwa bohlankeng bja kgwerano ya Molao wa Moše.

13. Go ya ka pego e lego pukung ya Numeri, go phologa go ithekgile dilong dife tše tharo? [5, si-SE letl. 30 ser. 1] (1) Go kgethagatša leina la Jehofa, (2) go mo kwa ka tlase ga maemo ka moka le (3) go bontšha tlhompho go baemedi ba gagwe.

14. Ke ka tsela efe Moše e bilego mohlala o mobotse go bontšheng gore o be a se na moya wa lehufa? (Num. 11:29) [8, Mmalo wa Beibele wa beke le beke; bona w95-SE 9/15 letl. 18 ser. 11.] O be a thabile ge ba bangwe ba be ba amogela ditokelo tša tirelo. O be a sa inyakele tumišo.

15. Taba ya Kora, Dathane le Abirama e bontšha bjang gore go bona ga se ka mehla go lebišago go dumeleng. [9, w97-SE 3/15 letl. 4 ser. 2] Ba bone dikotlo tše lesome go Egipita, go phonyokga ka mohlolo ga ba-Isiraele ba phatša Lewatle le Lehwibidu, go fedišwa ga Farao le madira a gagwe le pontšho e phagametšego tlhago Thabeng ya Sinai. Lega go le bjalo, go se go ye kae ka morago ga seo ka moka, ba ile ba rabela malebana le Jehofa le bahlanka ba gagwe ba kgethilwego. (Ek. 7:19–11:10; 12:29-32; Num. 16:1-35; Doit. 4:11, 12; Ps. 136:15) (Ya go swana le yeo e a amogelwa)

16. Ke dibopego dife tše pedi tša go godiša batswadi bao ba tšofetšego tšeo di gatelelwago go Mateo 15:3-6 le 1 Timotheo 5:4? [9, fy-SE matl. 173-5 dir. 2-5] Pušetšo e swanetšego le tlhompho di swanetše go newa batswadi le bo-makgolo le bo-rakgolo, gaešita le ge ba babja le go fokola.

17. Ke thuto efe ya bohlokwa yeo e gatelelwago go Numeri 26:64, 65? [12, Mmalo wa Beibele wa beke le beke; bona g95-SE 8/8 matl. 10-11 dir. 5-8.] Re ka se ke ra dira sebe gomme ra hloka kotlo.

18. Mohlala wa Pinease o re thuša bjang go lemoga seo boineelo go Jehofa bo se bolelago? (Num. 25:11) [12, Mmalo wa Beibele wa beke le beke; bona w95-SE 3/1 letl. 16 dir. 12-13.] Go fo etša Pinease ge a se a kgotlelela borabele le gatee malebana le Jehofa, ga se ra swanela go dumelela selo le ge e le sefe gore se tšee boemo bjoo boineelo go Jehofa bo swanetšego go bo tšea dipelong tša rena.

19. Ke bjang motho yo a lego motseng wa botšhabelo wa seswantšhetšo ‘a selago mollwane’ wa motse? (Num. 35:26) [15, Mmalo wa Beibele wa beke le beke; bona w95-SE 11/15 letl. 20 ser. 20.] Ka go dumelela lerato la go rata lefase la Sathane le mela ka pelong ya motho.

20. Ke ka tsela efe Codex Sinaiticus e bilego e holago phetolelong ya Beibele? [13, w97-SE 10/15 letl. 11 ser. 2] Ka gobane e be e le gare ga mengwalo ya kgale-kgale ya leleme la mathomo, ga se feela gore e ile ya utolla gore Mangwalo a Segerika a be a dutše a sa fetoge, eupša gape e thušitše diithuti go utolla diphošo tšeo di ilego tša tsena mengwalong ya ka morago.

Nea lentšu goba mantšu a nyakegago go tlaleletša le lengwe le le lengwe la mafoko a latelago:

21. Jehofa o dumeletše bokgopo gore bo be gona e le go hloma gatee ya ba moka therešo ya motheo ya gore ke yena a nnoši yo e lego Mmuši le gore go kwa melao ya gagwe ke ga bohlokwa bakeng sa khutšo le lethabo tše di tšwelago pele tša dibopiwa tša gagwe ka moka. (Ps. 1:1-3; Die. 3:5, 6; Mmo. 8:9) [1, w97-SE 2/15 letl. 5 ser. 4]

22. Puku ya Lefitiko ke e kgethegilego go gateleleng go kgethega ga madi, ka go bontšha gore tsela e nnoši yeo a dumeletšwego gore a dirišwe ka yona ke ge e le seloba sa sebe. [4, si-SE letl. 29 ser. 33]

23. Ka go dumelelana le Psalme 144:15b, lethabo la kgonthe ke boemo bja pelo, le theilwe tumelong ya kgonthe le tswalanong e botse le Jehofa. [7, w97-SE 3/15 letl. 23 ser. 7]

24. Beibele yeo e tšwago phetolelong ya Beibele ya Sehebere go ya Segerikeng se se tlwaelegilego, yeo e phethilwego mo e ka bago ka 150 B.C.E., e ile ya tsebja e le Septuagint; phetolelo ya Jerome ya Beibele go Selatine e ile ya tsebja e le Vulgate goba Phetolelo e Tlwaelegilego, gomme ya phethwa mo e ka bago ka 400 C.E. [11, w97-SE 8/15 letl. 9 ser. 1; letl. 10 ser. 4]

25. Ka go lebiša tlhokomelo dipegong tšeo di lego mabapi le Bileama le Kora go etša ge di begilwe pukung ya Numeri, Juda o ile a lemoša Bakriste gore ba itiše malebana le ditšhitišo tša megabaru le dipolelo tša borabele. [15, si-SE letl. 35 ser. 35]

Kgetha karabo e nepagetšego go le lengwe le le lengwe la mafoko a latelago:

26. Gatee ka ngwaga, ka (Monyanya wa Mešaša; Letšatši la Poelano; Paseka), setšhaba ka moka sa Isiraele go akaretša le badiiledi ba ba bego ba rapela Jehofa, se be se swanetše go (tlogela modiro ka moka; lefa karolo ya lesome; go tliša dibego tša dithakangwaga) gomme se ikone dijo. (Lef. 16:29-31) [1, Mmalo wa Beibele wa beke le beke; bona w96-SE 7/1 letl. 10 ser. 12.]

27. E nngwe ya dipakane tša Komiti ya Beibele ya Phetolelo ya Lefase le Lefsa e be e le go tšweletša phetolelo yeo e bego e (lebanya ka mo go kgonegago; le nolofatšo ya maleme a mathomo; dumelelana le kwešišo e itšego ya thuto) e le gore mmadi a kgone go kwešiša gabotse seo se lego malemeng a mathomo gotee le tatelano e sepedišanago le sona ya dikgopolo. [13, w97-SE 10/15 letl. 11 ser. 5]

28. Go ya ka Ba-Hebere 13:19, dithapelo tše di sa kgaotšego tša badumedi-gotee di ka ba le tutuetšo mabapi le (seo Modimo a se dumelelago; ge Modimo a gata mogato; kamoo Modimo a tlago go tsena dilo gare). [8, w97-SE 4/15 letl. 6 ser. 1]

29. Go be go nyakega “lenti la purapura e talá” go ba-Isiraele e le (mokgabišo o mokgethwa; sešupo sa boleta; kgopotšo e bonagalago ya go aroga lefaseng e le batho ba Jehofa). (Num. 15:38, 39) [9, Mmalo wa Beibele wa beke le beke; bona w84-SE 4/15 letl. 21 ser. 16 (w83 10/15 letl. 20 ser. 16).]

30. Lebaka la nako yeo e akareditšwego ke puku ya Doiteronomio ke (dikgwedi tše pedi; ngwaga o tee; nywaga e mebedi), gomme e feditšwe go ngwalwa ka (1513; 1473; 1467) B.C.E. [16, si-SE letl. 36 ser. 6]

Tswalanya mangwalo a latelago le mafoko a lokeleditšwego ka mo tlase:

Num. 16:41, 49; Mat. 19:9; Luka 2:36-38; Ba-Kol. 2:8; 3:14

31. Go itima dilo kudu ga go lebiše bokgethweng bjo bo kgethegilego goba tshedimošong ya kgonthe. [Ba-Kol. 2:8] [2, g97-SE 10/8 letl. 13 ser. 3]

32. Bootswa ke lebaka le nnoši la Mangwalo bakeng sa tlhalo ka kgonagalo ya go nyala gape. [Mat. 19:9] [3, fy-SE matl. 158-9 ser. 15]

33. Go ba yo mafolofolo kudu medirong ya pušo ya Modimo, gaešita le nywageng ya morago, go ka thuša motho gore a lebeletšane le go lahlegelwa ke molekane wa lenyalo. [Luka 2:36-38] [8, fy-SE letl. 170-1 ser. 21]

34. Go sola tsela ya Jehofa ya go phetha toka ka bahlanka ba gagwe ba kgethilwego go ka ba le mafelelo a gobatšago. [Num. 16:41, 49] [10, Mmalo wa Beibele wa beke le beke; bona w96-SE 6/15 letl. 21 ser. 13.]

35. Lerato le le se nago boithati le tlema banyalani gotee gomme la ba dira gore ba nyake go direlana seo se lego kaone bona le bana ba bona. [Ba-Kol. 3:14] [14, fy-SE letl. 187 ser. 11]