Ditaba Tša Pušo Ya Modimo

◼ Afrika Borwa: Kgweding ya March Diholo tša Mmušo tše pedi di ile tša neelwa, tšona ke Oukasie (Brits) le Maun (Botswana). Re thaba le bona ka gobane ka morago ga nywaga e mentši ga bjale ba na le mafelo a bona ka noši a borapedi. Ka baka la sebaka se se telele seo baithapi ba bego ba swanetše go se sepela bakeng sa go thuša Phuthego ya Maun, go tšere nywaga e fetago e meraro go aga holo ya bona. Komiti ya tša Meago ya Tikologo ya Botswana e ile ya thuša ka go feleletša holo. Gape, ngwagola lapa le ile la arabela kgopelong yeo e lego ka go Tirelo ya Rena ya Mmušo ya November 1998 ya go yo hlankela mo go nyakegago thušo e kgolo, gomme le ile la thuša ka go feleletša holo mola le šoma tšhemo ya Seisemane. Re leboga kudu banababo rena ka moka le Dikomiti tša tša Meago tša Tikologo tšeo di ilego tša thuša ka meago ye. Re rata go kgothaletša diphuthego tšeo di ikagelago diholo tša tšona gore di ipeele pakane ya go di neela pele ga bofelo bja ngwaga wo. Komiti ya tša Meago ya Tikologo ya lefelong leo e tla rata go le thuša tabeng ye.