Ditaba Tša Pušo Ya Modimo

◼ Ka October go ile gwa neelwa Diholo tša Mmušo tša pele tše nne ngwageng o mofsa wa tirelo. Diholo tše difsa tše tharo tšeo di ilego tša neelwa e bile Ceres (Western Cape), Sobabili le Pisgah (kgaufsi le Estcourt, KwaZulu-Natal). Ka morago ga dimpshafatšo tše kgolo, Holo ya Mmušo ya Phalaborwa (Northern Province) e ile ya neelwa lefsa.

Ka morago ga go atlega go ageng diholo tše 60 ngwageng wa tirelo o fetilego, Dikomiti tša tša Meago tša Tikologo tše 23 di ikemišeditše go fetša diholo tše 100 ngwageng wo wa tirelo. Re rapelela tšhegofatšo ya Jehofa e humilego le tlhahlo maitekong a tšona, gomme re kgothatša ba bantši gore ba naganišiše ka thapelo go di thuša. Hle tlatša fomo ya Kingdom Hall Construction Worker Questionnaire (S-82) yeo o ka e hwetšago go mongwaledi wa phuthego ya gabo lena.