Lenaneo La Seboka Sa Tirelo
Beke e Thomago ka February 11
12 mets: Ditsebišo tša Phuthego. Ditsebišo tše di kgethilwego go tšwa go Tirelo ya Rena ya Mmušo.
20 mets: “Bolela Lentšu la Modimo ka Botlalo.”a (Dirapa 1-13) E swanetše go swarwa ke molebeledi yo a okamelago. Poledišano e mafolofolo ya seo re nyakago go se fihlelela ka March le ka morago ga yona. Yo mongwe le yo mongwe o swanetše go diriša almanaka yeo e neilwego pampiring ya ka gare bakeng sa go rulaganya lenaneo la go tšea karolo ka mo a ka kgonago ka gona bodireding ka March. Kgothaletša ka moka bao ba ka kgonago go tšea bobulamadibogo bja go thuša kgweding yeo. Ge o ahla-ahla dirapa 7-8, kgopela bao ba ilego ba bula madibogo ka sehla sa Segopotšo se se fetilego go bolela ka ditšhegofatšo tšeo ba ilego ba di thabela. Tsebiša gore difomo tša bobulamadibogo bja go thuša di tla hwetšagala ka morago ga seboka se.
13 mets: “Seo o ka se Bolelago ka Dimakasine.” Botšiša bagoeledi kamoo karolo ye yeo e lego ka go Tirelo ya Rena ya Mmušo e ba thušitšego gore e be ba itokišeditšego ga kaone go kgokaganya dihlogo le ditiragalo tše tletšego mathata tša mehleng ye e hlobaetšago. Ke diphihlelo dife tšeo ba bangwe ba bilego le tšona ka go tliša khomotšo bathong le go ba thuša go hwetša dikarabo tše di theilwego Beibeleng tša dipotšišo tše di hlobaetšago? Ka dipontšho tše pedi tše kopana, bontšha kamoo go ka sepedišwago Morokami wa February 15 le Phafoga! ya March 8.
Kopelo 49 le thapelo ya go phetha.
Beke e Thomago ka February 18
8 mets: Ditsebišo tša Phuthego. Pego ya tša ditšhelete.
12 mets: “Batho ba Thabilego go Feta Bohle Lefaseng.”b Akaretša ka bokopana “Megato e Išago Lethabong,” ka go Morokami wa October 15, 1997, letlakala 6.
25 mets: “Bolela Lentšu la Modimo ka Botlalo.”c (Dirapa 14-23) E swanetšwe go swarwa ke molebeledi wa tirelo. Ahla-ahla dithulaganyo tše di kgethegilego tšeo di dirilwego phuthegong bakeng sa modiro o oketšegilego ka March. Bolela ka thulaganyo ka moka ya diboka bakeng sa tirelo ya tšhemo ye e rulagantšwego bakeng sa kgwedi. Lebiša tlhokomelo go thušeng bao ba šetšego ba tapile le go thuša bana le barutwana ba Beibele go swanelega go ba bagoeledi bao ba sa kolobetšwago. Tsebiša maina a bao ba tšerego bobulamadibogo bja go thuša ka March, gomme kgothaletša ba oketšegilego go naganišiša ka thapelo go ba tlatša.
Kopelo 143 le thapelo ya go phetha.
Beke e Thomago ka February 25
10 mets: Ditsebišo tša phuthego. Dira dipontšho tše pedi tše kopana tša go sepediša makasine—go e nngwe go dirišwa Morokami wa March 1 gomme go e nngwe go dirišwa Phafoga! ya March 8. Kgopela mofsa gore a dire e nngwe ya tšona. Gopotša bagoeledi go nea moswari wa bona wa thuto ya puku dipego tša tirelo ya tšhemo bakeng sa February.
35 mets: “Na o Diriša Seo o Ithutilego Sona Kopanong ya Selete ya ‘Barutiši ba Lentšu la Modimo’?” Poledišano ya lenaneo la kopano le batheetši, e swanetše go swarwa ke moswari wa Thuto ya Morokami. Ka morago ga matseno a motsotso o tee, abela metsotso e 10-12 bakeng sa lenaneo la letšatši le lengwe le le lengwe. Ka bokopana bolela ka dintlha tše dikgolo ka tlase ga sehlogwana se sengwe le se sengwe, ke moka o laletše ditlhaloso tša batheetši tša (1) kamoo ba ilego ba katanela go diriša tayo, (2) kamoo ba ilego ba holega ka go dira bjalo le (3) seo ba naganago gore ba swanetše go se dira. Diriša dipotšišo tšeo di šišinyago kgopolo bakeng sa go tutuetša poledišano e phelago. Thuša bohle go kwešiša bohlokwa bja go diriša seo ba ithutilego sona.
Kopelo 215 le thapelo ya go phetha.
Beke e Thomago ka March 4
5 mets: Ditsebišo tša phuthego.
12 mets: Dinyakwa tša phuthego.
12 mets: Diriša Puku ya Tsebo Bakeng sa go Thoma Dithuto. Ka March re rata go dira maiteko a kgethegilego bakeng sa go thoma dithuto tša magae tša Beibele. Ka bokopana anega phihlelo yeo e lego ka go Tirelo ya Rena ya Mmušo ya August 1998, letlakala 4, serapa 8. Ge e ba yo mongwe a šetše a thomile thuto ka puku ya Tsebo, bontšha kamoo se se ilego sa fihlelelwa ka gona. Gopotša yo mongwe le yo mongwe ka “Ditšhišinyo Bakeng sa go Sepediša Puku ya Tsebo,” pampiring ya ka gare ya Tirelo ya Rena ya Mmušo ya January 2002. O diriša puku, dira pontšho e tee ya ditšhišinyo tšeo di lego go letlakala 6 la pampiri ya ka gare ka tlase ga sehlogo se se rego “Matseno a Lebanyago.”
16 mets: “Ke ka Baka La’ng re Tšwela Pele ka Boboledi?”d Phetha ka dipoledišano le mogoeledi o tee goba ba babedi bao ba ilego ba tšwela pele go bolela ka nywaga e mentši. Ba kgopele gore ba abelane maikwelo a bona a gore ke ka baka la’ng ba ile ba phegelela modirong wo le kamoo o ba hotšego ka gona.
Kopelo 223 le thapelo ya go phetha.
[Mengwalo ya tlase]
a Lekanyetša ditlhaloso tša matseno go nako ya ka tlase ga motsotso, gomme o latele ka poledišano ya dipotšišo le dikarabo.
b Lekanyetša ditlhaloso tša matseno go nako ya ka tlase ga motsotso, gomme o latele ka poledišano ya dipotšišo le dikarabo.
c Lekanyetša ditlhaloso tša matseno go nako ya ka tlase ga motsotso, gomme o latele ka poledišano ya dipotšišo le dikarabo.
d Lekanyetša ditlhaloso tša matseno go nako ya ka tlase ga motsotso, gomme o latele ka poledišano ya dipotšišo le dikarabo.