Ditsebišo
◼ Mpho ya puku ka October: Dimakasine tša Morokami le Phafoga! Mo go bontšhitšwego kgahlego, sepediša poroutšha ya Seo Modimo a se Nyakago, o dira maiteko a kgethegilego go thoma dithuto tša Beibele. November: Ke Eng Seo Modimo a se Nyakago go Rena? goba Tsebo e Išago Bophelong bjo bo sa Felego. Ge e ba batho ba šetše ba e-na le tšona, kgatišo le ge e le efe ya kgale e ka sepedišwa. December: Motho yo a Phagamego Kudu yo a Kilego a Phela. January: Sephiri sa Lethabo la Lapa. Diphuthego tšeo di nago le puku ya Go Tsoma ga Batho Modimo setokong di ka e sepediša.
◼ Pampiri e nngwe ya ka gare ya tokollo ye ya Tirelo ya Rena ya Mmušo ke “Lenaneo la Sekolo sa Bodiredi sa Pušo ya Modimo sa 2003” gomme e swanetše go bolokelwa go dira tšhupetšo ngwageng wa 2003 ka moka.
◼ Ge e ba dinako tša diboka tša phuthego ya gabo lena di tla fetoga ka January 1, mongwaledi wa phuthego o swanetše go tsebiša ofisi ya lekala ka diphetogo ka go romela fomo ya Congregation Meeting Information (S-5). Ge e ba go nyakega, sesola se sefsa sa dipampišana tša taletšo se ka otarwa ka go romela fomo ya Handbill Request (S-16). Dipampišana tša taletšo di swanetše go kgopelwa bonyenyane dibeke tše seswai pele ga nako yeo le nyakago go di amogela ka yona.
◼ Gantši ofisi ya lekala e romela mangwalo go balebedi ba basepedi a bewago tlhokomelong ya molebeledi yo a okamelago wa phuthego yeo ba e etetšego goba yeo ba tlago go e etela kgaufsinyana. Mangwalo a ke diphiri. Balebeledi ba basepedi ba bega gore ka dinako tše dingwe ba amogela mangwalo a a butšwe ka phošo. E le go thibela se go direga, balebeledi ba okamelago ba swanetše go lebelela ka kelohloko gore lengwalo le lebišitšwe go mang pele ba bula mangwalo ka moka ao ba a amogelago. Ba swanetše go ela hloko kudu go dira se ge go batametše nako ya gore phuthego e be le ketelo ya molebeledi wa mosepedi. Mangwalo le ge e le afe ao a lebišitšwego go molebeledi wa mosepedi a swanetše go išwa go yena ka go lebanya a se a bulwa.
◼ Diphuthego di swanetše go thoma go kgopela temana ya ngwaga ya 2003 le kgopelo ya tšona ya dipuku ya October. Hle elang hloko phetogo e latelago: Ditemana tša ngwaga di swanetše go kgopelwa go dirišwa “Order Form for 2003 Yeartext” yeo e rometšwego phuthego ya gabo lena. Temana ye ya ngwaga e tla romelwa feela ge tefo ya R22,00 bakeng sa temana ya nywaga e tee e šetše e amogetšwe go tšwa phuthegong ya gabo lena. Temana ya ngwaga e tla hwetšagala ka se-Afrikaans, Seisemane, Sesotho, se-Xhosa le se-Zulu. Diphuthego di ka kgopela feela ditemana tša ngwaga tše pedi ka maleme a sa swanego. Go šišinywa gore diphuthego di bee temana e mpsha ya ngwaga ka January 1, 2003.
◼ Hle elang hloko diphetogo tše di latelago tša dinomoro tša rena tša fax go tloga ka October 1, 2002:
Literature (011-761-1207)
Service Department (011-761-1433)
Hle elang hloko gore fax e swanetše go romelwa feela ka mabaka a tšhoganetšo. Re le kgothaletša ka moka gore le tšwele pele le romela dikgopelo tša lena tša dipuku, dipego tša phuthego le dipotšišo ka poso.
◼ Dikhasete tše Difsa tša Bidio tše di Lego Gona:
Respect Jehovah’s Authority—On Videocassette—Polelo ya Diatla ya Amerika le ka Seisemane