Go Leboga go Agwa ga Diholo tša Mmušo
1 E bile mo go ruthetšago pelo go bona thekgo e mafolofolo bakeng sa go agwa ga Diholo tša Mmušo ngwagola. Re leboga go menagane Dikomiti tša tša Meago tša Tikologo tše 25 le baithapi ba dikete bao ka go se lape ba bego ba dutše ba šoma medirong ye ka go se lape. Le gona re leboga le diphuthego ka moka tšeo ka lerato di thušitšego diphuthego tše dinyenyane ka go agwa ga diholo tša tšona ka thušo ya tša ditšhelete goba ka go ithapa.
2 Diphuthego tše dingwe tše 17 di neetše diholo tša tšona tše difsa ka July le August, e lego: Moletjie, Makantane, Xihoko le Nzhelele (Limpopo Province); Caguba (Port St. Johns), Corana (Umtata); Mathibestat (ka leboa la Pretoria); Bakerville (Lichtenburg); Montshiwa West le Lonely Park (Mafikeng); Tseoge le Morokweng (ka leboa la Vryburg); Kagung (Kuruman); Machache, Quthing, Makaung (Lesotho) le Ladybrand (Free State).
3 Re sa dutše re letetše pego ya mafelelo ya palo-moka ya diholo tšeo di neetšwego ngwageng wa tirelo wa 2002. Go fihla ga bjale dipalo-palo tša rena di bontšha gore maiteko a lena a thušitše diphuthego tše 53 tšeo di nago le bagoeledi ba 2 878 go kopanela mafelong a mabotse a borapedi. Go ba gona, ba makgolo bao ba thabelago le bona ba holegile mafelong a a diboka. Ke mo go makatšago kamoo moya wa Jehofa o thekgilego baithapi ba bantši go phetha modiro wo o mogolo wa boithapi. Ka moka ga rena re thabišwa ke tšwelopele yeo e dirilwego le go tseba gore magodimo le ona a a thaba ka baka la kgolo e bjalo ya Mmušo.
4 Ke eng seo o tla kgonago go se dira modirong wa go agwa ga Diholo tša Mmušo ngwageng wa tirelo wa 2003? Na motho yo mongwe lapeng la gago goba mohlomongwe lapa ka moka le ka thekga Dikomiti tša tša Meago tša Tikologo tikologong ya geno? Ge e ba o sa tšwa o dira bjalo, hle kgopela difomo tša Kingdom Hall Construction Worker Questionnaire (S-82) go mongwaledi wa phuthego bakeng sa go tlatša dikopi tše pedi gomme o di bušetše go bagolo. Re kgothaletša yo mongwe le yo mongwe yo a akaretšwago go agweng ga Diholo tša Mmušo go swara bjalo, le gona re leboga gape bohle ka boikgafo bja bona bjo lerato tabeng ye. Ge e ba e le thato ya Jehofa re lebeletše pele ngwageng o mongwe o kgahlišago wa go aga diholo tše dintši tše di nyakegago kudu.