Seo o ka se Bolelago ka Dimakasine

Phafoga! Nov. 8

“Ga go na pelaelo gore o lemogilego leuba la lefaseng ka bophara la AIDS. Na o be o tseba gore morago bjale Afrika Borwa ke yona e hlasetšwego kudu? Ke tla thabela go abelana le wena tharollo ya Modimo bothateng bjo. [Bala Kutollo 21:4, 5.] Tokollo ye ya Phafoga! e ahla-ahla leuba la AIDS le seo Modimo a tlago go se dira go fediša e sego feela AIDS, eupša le malwetši a mangwe ka moka le mathata lefaseng.”

Morokami Nov. 15

“Ba bangwe ba ile ba ipotšiša ge e ba re hloka dikereke le ditempele bakeng sa go rapela Modimo. O nagana’ng ka se? [Dumelela karabo.] Ela hloko seo Beibele e se bolelago ka taba ye. [Bala Ditiro 17:24.] Ka gona, morero wa mafelo a borapedi e swanetše go ba ofe? Makasine wo o nea karabo ya Mangwalo ya potšišo yeo.”

Morokami Dec. 1

“Mehleng yeno, mo e ka bago motho yo mongwe le yo mongwe o na le mathata a tša boiphedišo. Bothata bjo bo gona le ka dikerekeng, gomme go kgopelwa ga ditšhelete go phegelelwa kudu go feta le ge e le neng pele. Na o hwetša seo se go hloba boroko? [Dumelela karabo. Ke moka o bale 1 Ba-Thesalonika 2:9.] Morokami o ahla-ahla seo Beibele e se bolelago ka se.”

Phafoga! Dec. 8

“Ka baka la ditšhošetšo tša batšhošetši, ba bantši ba ipotšiša ge e ba go šireletšegile go sepela ka sefofane. Na se se a go tshwenya? [Dumelela karabo.] Beibele e dumela gore ga go na yo a sa welwego ke madimabe. [Bala Mmoledi 9:11.] Lega go le bjalo, tokollo ye ya Phafoga! e bontšha kamoo o ka oketšago ka gona tšhireletšego le go iketla ge o sepela ka sefofane.”