Seo o ka se Bolelago ka Dimakasine

Morokami Nov. 15

“Nakong e fetilego, batho ba bantši ba be ba dumela gore lefase le be le tla feleletša e le paradeise. Ba bangwe lehono ba ipotšiša ge e ba le tla ka la phologa. Pono ya gago ke efe ka bokamoso bja lefase? [Dumelela karabo.] Ela hloko seo Beibele e se bolelago mabapi le se. [Bala Psalme 37:11.] Makasine wo o hlalosa ka mo go oketšegilego seo Beibele e se bolelago e sa le pele ka lefase.”

Morokami Dec. 1

“Batho ba bangwe lehono ba lahlegelwa ke tumelo go Modimo. Lebaka le lengwe la se ke ka gobane ga ba kgone go hwetša dikarabo tše di kgotsofatšago tša dipotšišo tše di hlobaetšago tše bjalo ka tše. [Nea mohlala go tšwa lepokising leo le lego go letlakala 6.] Tokollo ye ya Morokami e ahla-ahla seka se bohlokwa sa go aga tumelo ya kgonthe go Modimo.” Bala Ba-Filipi 1:9.

Phafoga! Dec. 8

“Batho ba bangwe ba tshwenywa ke taba ya gore tshenyo yeo e bakilwego tikologong e ka se lokišege. Na o nagana gore ga go na kholofelo boemong bjo? [Dumelela karabo.] Mmopi o be a sa rera gore lefase e be thotobolo ya ditlakala yeo go ka se kego gwa dulwa go yona. [Bala Jesaya 45:18.] Makasine wo o hlalosa kamoo lefase le tlago go phološwa ka gona.”

“Na o nagana gore batho ba tla ka ba thabela maemo a bjalo ka ao a hlalositšwego mo? [Bala Jesaya 14:7. Ke moka o dumelele karabo.] Makasine wo o hupere tsebišo e šomago yeo e ka re holago ge re sa letile go phethagatšwa ga dikholofetšo tša Modimo.” Bontšha sehlogo se se rego, “O ka Lwantšha Bjang Dikganyogo tše di Fošagetšego?”