GO Kaonefatsa Bokgoni Bja Rena Bodireding​—Ruta ka Dibidio

LEBAKA LEO GO LEGO BOHLOKWA:

Dibidio di ka kgoma dipelo tša batho ka ge ba diriša mahlo le ditsebe. Di dira gore ba be šedi e bile ba se ke ba lebala seo ba se bonego le go se kwa. Jehofa o beile mohlala o mobotse kudu tabeng ya go diriša dilo tšeo motho a ka di bonago ge a ruta.​—Dit 10:9-16; Kut 1:1.

Bidio ya Na Modimo o na le Leina?, ya Mongwadi wa Beibele ke Mang? le ya Re ka Kgonthišega Bjang gore Beibele e Bolela Therešo? di tlaleletša dithuto 2 le 3 tša poroutšha ya Ditaba tše Dibotse. Ke moka bidio ya Ke ka Baka la Eng o Swanetše go Ithuta Beibele?, ya Ke Eng Seo se Diregago Thutong ya Beibele? le ya Ke Eng Seo se Diregago Holong ya Mmušo? di kgothaletša batho go ithuta Beibele le rena le go kopanela le rena dibokeng tša phuthego. Re ka diriša tše dingwe tša dibidio tša rena tše ditelele go ruta dithuto tša Beibele.​—km 5/13 3.

KAMOO O KA DIRAGO SE:

• Taonelouta e sa le pele bidio yeo o nyakago go e bontšha mong wa ntlo

• Lokišetša potšišo e tee goba tše pedi tšeo di tlago go arabja ke bidio

• Lebelelang bidio yeo le le gotee

• Boledišanang ka dintlha tše bohlokwa

LEKA SE:

• Eya letlakaleng la ka morago la e nngwe ya dipampišana tša rena, ke moka o bontšhe motho khouto yeo ge o e skena e go išago bidiong ya Ke ka Baka la Eng o Swanetše go Ithuta Beibele?

• Bontšha motho bidio ya Re ka Kgonthišega Bjang Gore Beibele e Bolela Therešo? ka morago ga moo o mo sepedišetše poroutšha ya Ditaba tše Dibotse, ke moka o mmontšhe thuto 3