Dula o Swaregile ka go Hlankela Jehofa ge Maemo a Gago a Fetoga

Re ka se kgone go tšhabela diphetogo, kudukudu mehleng ye ya bofelo. (1Ko 7:31) Diphetogo di ka šitiša tsela yeo re hlankelago Jehofa le segwera sa rena le yena, go sa šetšwe gore re be re tseba ka tšona goba re sa tsebe, e ka ba e le tše di kgahlišago goba di sa kgahliše. Re ka thušwa ke eng gore re dule re swaregile ka go hlankela Jehofa le ge go na le diphetogo? Bogelang bidio yeo e rego Swaregang ka go Hlankela Jehofa le ge le Huduga, ke moka le arabeng dipotšišo tše di latelago:

• Ngwanabo rena yo mongwe o ile a eletša bjang tate yo a bego a tlo huduga le lapa la gagwe?

• Lapa leo le ile la diriša bjang molao wa motheo wo o lego go Mateo 7:25?

• Lapa leo le ile la rulaganya bjang dilo pele le huduga, gona seo se le thušitše bjang?

• Ke eng seo se thušitšego lapa le gore le tlwaele phuthego e mpsha le tšhemo?

Ke diphetogo dife tše dikgolo tšeo e sego kgale di ntiragaletše?

Nka diriša bjang melao ya motheo yeo e lego bidiong ye?