MAHUMO AO A LEGO KA LENTŠUNG LA MODIMO | GENESI 15-17

Ke ka Baka la Eng Jehofa a Ile a Fetoša Leina la Aborama le la Sarai?

Aborama o be a se na bosodi pele ga Jehofa. Ge Jehofa a be a botša Aborama ka ditšhegofatšo tšeo a tlago go mo nea tšona, o ile a fetoša leina la gagwe le la mosadi wa gagwe Sarai. Maina ao a ilego a ba nea ona a be a bolela ka dilo tšeo di bego di tlo ba diragalela nakong e tlago.

Seo se ile sa direga ka gobane Aborahama o ile a ba tatago ditšhaba gomme Sara a ba makgolokhukhu wa dikgoši.

Aborahama

Tatago Ditšhaba
Sara

Kgošigatšana

Diswantšho: Mofsa yo e lego Hlatse ya Jehofa o gatela pele dilong tša Modimo. 1. O a kolobetšwa. 2. O dira kabelo ya gagwe dibokeng tša gare ga beke. 3. Nakong ya ge a ile go ruta batho Beibele, o bontšha mosadi yo a itšego bidio.

Ga re kgone go ikgethela leina leo re fiwago lona ge re sa tšwa go belegwa. Eupša re ka kgona go itirela leina le lebotse go swana le Aborahama le Sara. Ipotšiše gore:

‘Nka dira’ng gore Jehofa a ntebelele ke se na bosodi?’
‘Jehofa o ntseba ke le motho wa mohuta mang?’