THUTO 12

Borutho le Kwelobohloko

1 Bathesalonika 2:7, 8

KA BORIPANA: Bolela ka maikwelo le ka go tšwa pelong gomme o bontšhe batheetši gore o a ba rata.

Nagana ka batheetši ba gago. Lokišetša pelo ya gago ka go nagana ka mathata ao batheetši ba gago ba nago le wona. Ipee maemong a bona gomme o leke go ikwa kamoo ba ikwago ka gona.
Kgetha mantšu ge o bolela. Lwela go lapološa batheetši, go ba kgothatša le go ba matlafatša. Phema go bolela mantšu ao a ka ba kgopišago, e bile o se ke wa bolela gampe ka batho bao e sego Dihlatse tša Jehofa goba wa hlasela ditumelo tša bona.
Bontšha gore o rata batheetši ba gago. Ka lentšu le botho le ka boitšhišinyo bja mmele bjo bo swanetšego, bontšha batheetši gore o na le taba le bona. Dira gore seo o se rutago se sepedišane le ponagalo ya gago ya sefahlego. Fela o semaela.

Ge o bala goba o ruta, o se ke wa bontšha maikwelo ka mo go feteletšego. Bontšha maikwelo ao a sepedišanago le taba ya gago, eupša o se ke wa dira gore batheetši ba thome go nagana ka wena kudu. Bolela ka tsela e botho le yeo e bontšhago gore o rata batheetši ba gago.