Ditaba Tša Pušo Ya Legodimo

Afrika Borwa: Ka March 28, 1992, Phuthego ya Seshego Zone 1 ka Leboa la Transefala e thabetše go kgakola Holo ya yona e mpsha ya Mmušo. Mafelo-bekeng ona ao Phuthego ya Kimberley Central le yona e kgakotše Holo ya yona ya Mmušo e kaonefaditšwego le e okeditšwego.

Congo: Re thabela go le tsebiša gore modiro wa Dihlatse tša Jehofa o amogetšwe semolao kua People’s Republic of Congo ka November 1991.

Ethiopia: Go bile le tlhora e mpsha ya bagoeledi ba 3185 ka December. Kopanong ya bona ya pele ya selete kua Addis Ababa go bile le ba fetago 7000 gomme ba 328 ba ile ba kolobetšwa.

Haiti: Tlhora e mpsha ya bagoeledi ba 7248 e begile ka December. Palo-gare ya diiri tša bagoeledi ba diphuthego ke 15,2, gomme go bile le tlhora e mpsha ya maeto a go boela le dithuto.

Peru: Palo-moka ya bagoeledi ba 39 104 ka December e emela koketšego ya 12-lekgolong ya kgwedi yona yeo ngwaga pele ga moo. Seo se kgahlišago ke gore babulamadibogo ba 8842 ba dira 23 lekgolong ya palo-moka ya bagoeledi.