Ditaba Tša Pušo Ya Legodimo

Afrika Borwa: Diholo tše di latelago tša Mmušo di kgakotšwe: Diepkloof (Soweto), Amanzimtoti, Lenasia (ka borwa bja Johannesburg) le Eersterust (Pretoria).

Benin: Pego ya April e bontšha gore bagoeledi ba 2793 ba swerwe dithuto tša Beibele tša magae tše 4442 gomme ba dirile maeto a go boela a 30 814. Dipalo-palo tše di emela ditlhora tše tharo tše difsa.

Bulgaria: Ka ngwaga o tee feela, palo ya bagoeledi e oketšegile go tloga go ba 107 go ya go ba 218 bao ba begilego ka March. Yeo e bile koketšego ya 104 lekgolong. Bagoeledi ba bile le palo-gare ya 19,7 ya diiri tša tirelong ya tšhemo gomme ba swere palo-moka ya dithuto tša Beibele tša magae ya tše 585. Letšatši la bona la pele le kgethegilego la kopano le bile ka March, go e-na le ba 900.

Czechoslovakia: Tlhora e mpsha ya bagoeledi ba 25 111 e begile ka March. Ye ke koketšego ya 9-lekgolong go feta palo-gare ya ngwagola.

Ecuador: Ba bilego gona Segopotšong lenyaga e bile ba 99 987. Ka ge go bile le tlhora e mpsha ya bagoeledi ba 21 734 ka April, go letetšwe koketšego e tšwelago pele.

Jeremane: Ka March go be go bega bagoeledi ba 159 821, yeo e bilego koketšego ya 3-lekgolong go feta palo-gare ya ngwagola.

Nicaragua: Ditlhora tše difsa di fihleletšwe mo e nyakilego go ba sebopegong se sengwe le se sengwe sa tirelo ya Mmušo ka April. Bao ba bilego gona Segopotšong ba fetile palo ya bagoeledi ga hlano, e lego yeo e fihlilego go 9629 bakeng sa kgwedi yeo.