Seo o ka se Bolelago ka Dimakasine

Morokami May 15

“Re kwa ka dipego tša bošoro letšatši le lengwe le le lengwe. Na o nagana gore dipego tše di bjalo di be di le gona kgale? [Dumelela karabo.] Ela hloko seo Beibele e se bolelago. [Bala Mateo 24:37.] Mehla ya Noage e be e le e mebe kudu moo Modimo a ilego a fediša batho ka moka ka ntle le Noage le lapa la gagwe. Makasine wo o bontšha seo ditiragalo tšeo di se bolelago go rena lehono.”

Morokami June 1

“Dipego tša mabapi le go dirišwa gampe ga meneelo di dirile gore ba bangwe ba ipotšiše ge e ba e le ga bohlale go ntšha meneelo ye e yago mekgatlong ya go thuša bahloki. Lega go le bjalo, go na le batho ba bantši ba ba diilago. O nagana gore go ka dirwa’ng? [Dumelela karabo. Ke moka bala Ba-Hebere 13:16.] Makasine wo o hlalosa mohuta wa go nea woo o kgahlišago Modimo.”

Phafoga! June 8

“Lehono, bolwetši bjoo bo rwalwago ke dikhunkhwane ke bjo bongwe bja dikotsi tše dintši maphelong a rena. Na o be o tseba gore go na le megato ya thibelo yeo re ka e gatago bakeng sa go itšhireletša? [Dumelela karabo.] Makasine wo o ahla-ahla megato ye, gotee le kholofetšo ya Beibele ya nako yeo ka yona go ka se sa bago le bolwetši.” Phetha ka go bala Jesaya 33:24.

“Go bonagala batho ba bantši lehono ba se na taba le mekgwa ya boitshwaro le boitshwaro bjo bobotse go swana le ge ba be ba dira bjalo nywageng e fetilego. Na o lemogile gore seo ke therešo? [Dumelela karabo.] Se se thabišago ke gore Beibele e boletše e sa le pele ka se. [Bala 2 Timotheo 3:1-5.] Tokollo ye ya Phafoga! e ahla-ahla lebaka leo ka lona ditekanyetšo tša batho di fetogago le seo bokamoso bo se huperego.”