Seo o ka se Bolelago ka Dimakasine

Morokami June 15

“Batho ba bangwe ba dumela gore Jesu e be e le motho yo mogolo historing. Ba bangwe ba belaela ge e ba a kile a ba gona. Na o nagana gore seo re se dumelago ka yena se bohlokwa? [Ka morago ga karabo, bala Ditiro 4:12.] Go na le bohlatse bofe bja gore Jesu o kile a phela mo lefaseng? Makasine wo o ahla-ahla potšišo yeo.”

Morokami July 1

“Se sengwe sa dinyakwa tša rena tša motheo re le batho ke go rata le go ratwa. [Bala mongwalo o hlalosago o tsopotšwego go letlakala 4.] Lega go le bjalo, na o lemogile gore lekoko la batho la mehleng yeno le rata go etiša dilo tše itšego pele? [Dumelela karabo.] Makasine wo o ahla-ahla seo lerato la kgonthe e lego sona le kamoo le ka hlagolelwago ka gona.” Bala 1 Ba-Korinthe 13:2.

Phafoga! July 8

“Batho ba bantši ba tshwenyegile kudu ka tikologo. Na o nagana gore go tla kgonega go šireletša dithokgwa tša lefase tša molatšatšing tša pula e ntši? [Dumelela karabo.] Makasine wo o bolela ka maiteko a dirwago ga bjale bakeng sa go šireletša dithokgwa tša pula e ntši. O bolela gape le kamoo kholofetšo ye e botse ya Modimo e tlago go phethagatšwa ka gona.” Bala Jesaya 11:9.

“Batho ba bantši ba tshwenywa ke go oketšega ga ditiro tša bošoro bjo bo se nago tlhaologanyo. [Bolela ka mohlala wo o tsebegago tikologong yeo, gomme o dumelele karabo.] Makasine wo o hlahloba tše dingwe tša dintlha tšeo di lebišago bosenying bjo šoro. Gape o hlalosa kamoo Modimo a tlago go fediša bosenyi le bošoro ka mo go feletšego.” Bala Psalme 37:10, 11.