Seo o ka se Bolelago ka Dimakasine

Morokami June 15

“Na o be o ka se dumelelane le taba ya gore go tlwaetša bana lefaseng la mehleng yeno ke tlhohlo? [Dumelela karabo.] Ela hloko kgonthišetšo ye yeo e bontšhago gore batswadi ba ka atlega. [Bala Diema 22:6.] Tokollo ye ya Morokami e nea keletšo e šomago go thuša batswadi gore ba lebeletšane le tlhohlo ye.”

Morokami July 1

“Dinakong tša masetlapelo, ba bantši ba ipotšiša ge e ba Modimo ge e le gabotse a e-na le taba le batho le go lemoga tlaišego ya bona. Na o kile wa ipotšiša ka seo? [Dumelela karabo.] Makasine wo o ahla-ahla kamoo Modimo a bontšhago go tshwenyega ka rena lehono le kamoo a neilego motheo wa go tloša tlaišego ka moka.” Bala Johane 3:16.

Phafoga! July 8

“Na o be o ka se dumelelane le taba ya gore go batho ba bantši, nywaga ya mahlalagading ke nako ya lethabo gotee le ditlhohlo? [Dumelela karabo.] Makasine wo o ahla-ahla diphetogo tšeo bafsa ba ba lego mahlalagading ba bago le tšona. E bile o hlahloba keletšo e nngwe e bohlale yeo e ka ba thušago go dira gore nywaga ya bona ya mahlalagading e be e atlegago.” Bala Mmoledi 12:1.

“Ba bangwe ba nagana gore go dumela go Modimo ga go dumelelane le thutamahlale. Eupša na o be o tseba gore go na le bo-rathutamahlale bao ba bolelago gore thutamahlale ge e le gabotse e thekga taba ya go dumela go Mmopi? [Dumelela karabo.] Tokollo ye ya Phafoga! e ahla-ahla bjo bongwe bja bohlatse bjo bo ba dirilego gore ba fihlelele phetho yeo.” Bala Ba-Roma 1:20.