Seo o ka se Bolelago ka Dimakasine

Morokami June 15

“Na o nagana gore go a kgonega gore re thabe go sa šetšwe mathata ao re lebeletšanago le ona? [Mo dumelele gore a arabe.] Makasine wo o lebiša tlhokomelo mothopong wa tlhahlo woo o ka re thušago go lebeletšana le mathata a bophelo ka katlego. E bile o ahla-ahla kamoo kholofelo ya kgonthe e ka re matlafatšago ka gona.” Bala Kutollo 21:3, 4.

Phafoga! Apr.-June

“Bontši bja rena bao re nago le ba leloko le bagwera ba tšofetšego re ipotšiša kamoo re ka ba thušago ka gona go lebeletšana le ditlhohlo tša botšofadi. Na ga go bjalo? [Mo dumelele gore a arabe.] Makasine wo o nea ditšhišinyo tša dilo tšeo re ka di dirago go thuša gore botšofadi bo kgotlelelege. Le gona o hlalosa kamoo boporofeta bjo bo latelago bo tlago go phethagatšwa ka gona.” Bala Jobo 33:25.

Morokami July 1

“Lefaseng la lehono leo le tletšego mathata, batho ba bantši ba ipotšiša gore: ‘Ke ka baka la’ng bophelo bo tletše mathata ka mokgwa wo? Ge e ba Modimo a le gona, ke ka baka la’ng a sa fediše tlaišego?’ Na o kile wa ipotšiša bjalo? [Mo dumelele gore a arabe.] Makasine wo o fa dikarabo tše tšwago Beibeleng tšeo di sedimošago tša dipotšišo tše.” Bala 2 Timotheo 3:16.

Phafoga! Apr.-June

“Batho ba bantši ba dumela gore Jesu ke Modimo. Se se kgahlišago ke gore morutiwa wa Jesu e lego Petro o ile a mo hlalosa e le Morwa wa Modimo. [Bala Mateo 16:16.] Na o nagana gore go a kgonega gore Jesu e be Modimo e bile e be Morwa wa Modimo? [Mo dumelele gore a arabe.] Sehlogo se se se lego go matlakala 30-31 se ahla-ahla potšišo ye gomme se nea pono ya Beibele ka yona.”