Seo o ka se Bolelago ka Dimakasine

Morokami February 1

“Bontši bja rena re na le madumedi a rena. Na o nagana gore Modimo o a tshwenyega gore re kgetha go mo rapela ka tsela efe? [Dumelela karabo. Ke moka o bale Mateo 15:9.] Sehlogo se se ahla-ahla dibopego tše nne tša borapedi bja therešo bjalo ka ge di boletšwe ke Jesu.” Bolelela sehlogo seo se thomago go letlakala 16.

Phafoga! January–March

“Ke therešo gore lapa le lengwe le le lengwe le tla ba le mathata. O nagana gore malapa a ka leba kae bakeng sa go hwetša keletšo e ka botwago le e šomago? [Dumelela karabo. Ke moka o bale Psalme 32:8.] Tokollo ye yeo e kgethegilego ya Phafoga! e bolela ka dintlha tše itšego tše mmalwa tša melao ya motheo ya Beibele tšeo di tla thušago malapa ge e ba di dirišwa.”

Morokami March 1

“Na o lebelela Beibele e le Lentšu la Modimo goba o e lebelela feela e le puku e botse? [Dumelela karabo.] Ela hloko seo Beibele ka boyona e se bolelago. [Bala 2 Timotheo 3:16, 17.] Makasine wo o ahla-ahla kamoo go ka dirwago phetho e kwagalago tabeng ye le gore ke ka baka la eng go le bohlokwa go dira bjalo.”

Phafoga! January–March

“Na o a dumela gore malapa a lebeletšana le ditlhohlo tše dintši lehono? [Dumelela karabo.] Ba bantši ga ba lemoge keletšo e šomago yeo e hwetšwago ka Beibeleng. Mohlala ke wo. [Bala lengwalo le le tšwago ka makasineng.] Tokollo ye e kgethegilego ya Phafoga! e bontšha kamoo melao ya motheo ya Beibele e ka thušago malapa go lebeletšana ka katlego le maemo a fapa-fapanego.”