Na o Gapeletšega go Kgaotša?

Bagoeledi ba bangwe ba tlwaetše go kgaotša tirelo ya tšhemo ka nako e itšego, mohlomongwe mosegareng wa sekgalela. Ke therešo gore maemo a ba bangwe a ka no nyaka gore ba kgaotše tirelo ya bona ya tšhemo ka nako e itšego. Eupša na o kgaotša go dira boboledi feela ka gobane ba bangwe ba lego sehlopheng sa lena ba dira bjalo goba o dira se ka baka la gore ke setlwaedi gore lefelong la gabo lena le kgaotše ka nako e itšego? Na o ka katološa bodiredi bja gago ka metsotso e sego kae gomme o tšee karolo sebopegong se sengwe sa go nea bohlatse phatlalatša, se bjalo ka go nea bohlatse setarateng? Na o ka dira leeto letee la go boela goba a mabedi ge o le tseleng ya go ya gae? Nagana gore e tla ba mo gobotse gakaakaang ge e ba o be o ka fo hwetša motho o tee yo a thabelago a le gona ka gae goba ge e ba o ka fo sepedišetša motho yo mongwe yo a fetago ka tsela dimakasine! Ge e ba go sa nyakege gore re kgaotše, gona go tšwela pele tirelong ya tšhemo ka metsotso e sego kae ke tsela e bonolo ya go oketša ‘sehlabelo sa rena sa tumišo.’—Baheb. 13:15.