“Dulang le Phakgame”

25:1-12

Le ge Jesu a be a lebišitše papišo ya dikgarebe tše lesome go balatedi ba gagwe ba tloditšwego, molaetša wa papišo ye o šoma go Bakriste ka moka. (w15 3/15 9-14) “Ka gona, dulang le phakgame, gobane ga le tsebe letšatši le ge e le iri.” (Mat 25:13) Na o ka kgona go hlalosa papišo ye ya Jesu?

• Monyadi (tem. 1)—Ke Jesu

• Dikgarebe tša temogo tšeo di itokišitšego (tem. 2)—Ke Bakriste ba tloditšwego bao ba ikemišeditšego go phetha kabelo ya bona ka potego le bao ba bonegago e le diediši go fihlela bofelong (Fil 2:15)

• Mokgoši wa gore: “Monyadi šoowe!” (tem. 6)—Ke bohlatse bja go ba gona ga Jesu

• Dikgarebe tša mašilo (tem. 8)—Ke Bakriste ba tloditšwego bao ba yago go gahlanetša Monyadi eupša ba sa dulego ba phakgame le go dula ba botega

• Dikgarebe tša temogo di gana go tšhelela dikgarebe tša mašilo makhura (tem. 9)—Ka morago ga gore Bakriste ba tloditšwego ba swaiwe la mafelelo, go tla ba go se sa na nako ya gore ba thuše batlotšwa bao ba ilego ba se botege

• “Monyadi a goroga” (tem. 10)—Ge Jesu a tliša kahlolo nakong ya ge masetlapelo a magolo a le kgauswi le go fela

• Dikgarebe tša temogo di tsena le monyadi monyanyeng wa lenyalo, ke moka mojako wa tswalelwa (tem. 10)—Se se tla direga ge Jesu a kgobokeletša batlotšwa ba botegago legodimong, eupša bao ba sa botegego ba se hwetše moputso wa go tsena legodimong