Kopelo 1
‘Moya Wa-ka, Reta Jehofa’
1. Anke moya waka wohle
O rete ’ina la Jehofa.
Ke yo a lebalelago,
Manyami o a a fodiša.
Ke yo botho le wa mabobo
Ge a dirišana le batho.
’Me ka moka ba mmoifago
Ba tlo lemoga bja ’gwe botho.
2. Modimo o’a re šokelwa.
O tseba ge re le lerole.
Fela bjalo ka letšoba,
Hleng le rena re ye re pone.
Eupja botho bjo bja Jehofa
Bo go bao ba kwago melao.
Ka go dula re e phetha,
Re thekgwa ke ya gagwe toko.
3. Jehofa o emišitše
Mmušo wa gagwe kua godimo.
Ee, ke Mmuši wa legohle,
O na le matla le bogolo.
Mo reteng barongwa ba gagwe;
Le godiše la ’gwe leina.
Mo reteng madira a ’gwe.
Reta Jehofa moya waka.