Kopelo 111

Seetša se a Gola

(Diema 4:18)

1. ’Ntšung la Modimo go na le seetša

’Me se a oketšega e le ka kgonthe. (Se’a oketšega.)

Jehofa o utolla ditherešo

’Me o re fa taletšo ya gore re tle (go tlo theetša).

Re be re le mo bothopjeng

Pele re ka tla go lokeng.

’Me gwa fihla

“Letšatši la Jah.”

Re seetšeng se bjalo ka letšatši,

Se newa ba lokilego ’me se tagile.

Ee, se tagile.

2. Seetša sa baloki se a gola.

Se tloga se ba hola. Ke sa Jehofa. (Ke sa Jehofa.)

Modimo tsebo o a e utolla.

Ba gagwe o ba ruta ’tsela tša toka. (O’a ba ruta.)

Ka ge re se ra phethega,

Gantši re a hlaelelwa;

’Me ’Ntšu la Jah

Le a re thuša.

Jehofa o no fela a oketša

Seetša se go rena ’me se a phadima.

Se a phadima.

3. Seetša se ga se se senyenyane.

Se etša mosegare go se na maru. (Ke se segolo.)

Modim’a rena ruri ke seetša;

O a re edišetša, ga re difofu. (Re a bona.)

Re se be le pelaelo,

Re katanele therešo.

Re be tseleng.

Re swareleleng.

Seetša se se tla no oketšega.

Baloki ba thabišwa ke ge se bonega,

Ge se bonega.