Vikhi Wafanya Kulumba Phala Kulihana Samboti na Khumba Yave Konzo?

BIBILYA YIYWELA YITI

“Ava vezi kwiva mbimbi ya Suku avayihaki kumwenyu wavu, vakukhala na kusanguluka!” —Luka 11:28, Tradução do Novo Mundo.

MBOTI YIKHI UKUMONA NGA WAZIVA VYUMA VYE

Kwiva vye kukukwasa . . . Kulisola konzo.—Efésios 5:28, 29.

Kwiva vye kukukwasa . . . Kulihana samboti.—Efésios 5:33.

Kwiva vye kukukwasa . . . Kukhala kumuheka.—Marcos 10:6-9.

TUTAVA LUMWE KU VYE BIBILYA YIYWELA?

Tutava, mukonda lya vyuma vye:

• Suku yindi akalumba khumba. Bibilya yiti: “Khumba yosi yakeya” kwa Yehova Suku. (Efésios 3:14, 15) Yehova yindi akalumba muyala na mukhetu phala kulisakana. Mukonda lya vikhi suma samboti kuziva vye?

  Asi soka: Nga walya kumwe kulya kwakuwehela, husoli kuziva momo vakuteleke, yili wakuhula? Uhasa kuhula yo alambi kulya kwasu.

  Hi mwe mumuheka, phala kuziva momo muyala na mukhetu na vana wafanya kuliva konzo, vatokala kulandula milongi za Yehova kukhanda ya khumba.—Gênesis 2:18-24.

• Yehova akusola senini. Milongi zamboti phala khumba zali mu Bibilya. Mukonda lya vikhi? Mukonda milongi ze zezikunzila kwa Yehova, endi akusola. (1 Pedro 5:6, 7) Yehova atuywela vye twafanya kulumba mukonda endi wasola nga tukhala na kusanguluka!—Provérbios 3:5, 6; Isaías 48:17, 18.