Lamba Likuhwa Simu Sizuwa?

MBIMBI YA SUKU YIYWELA ITI

“Suku . . .akukakusumuna masozi ose kumesu abo, kakwisi kukhala kufa, kuzinda, kulila na kukola.”​—Usolokelo 21:3, 4, Tradução do Novo Mundo.

MBOTI YIKHI UKUMONA NGA WAZIBA BYUMA BYE

Wakuziba kwakuninga kaSukwaku akutumwesa lamba.​—Tiyaku 1:13.

Ukuziba kwakuninga Suku aziba lamba tukuhita nalyo.​—Zakaliya 2:8.

Twakukhala na silevelelo sakuninga lamba likuhwa.​—Salumu 37:9-11.

TUTAVA LUMU KUBYE MBIMBILIYA YIZIMBULA?

Tutaba, mukonda lya bithombo bye:

• Suku wazemba lamba na byuma byaviha. Soka momo Yehova Suku akaliva hosi akamona lamba ya mbunga yendi munyima. Mbimbiliya iti “Lamba lyosi vakhala kuhita nalyo, Suku nendi byakamukola kumbunge.”—Yizaya 63:9, Tradução do Novo Mundo.

  Suku azinda sinene ha ezi kumona bathu bezikulumba byabiha kubakwau. Tala sifikiso, Mbimbiliya iti “Suku wazemba ba bezi kuziha bakwau.”—Visima 6:16, 17.

• Suku ali nahenda ya muthu na muthu. “Kayitutuhwako twaziba misongo zetu, Yehova nendi aziziba.”—2 Mihindu 6:29, 30.

  Kwakamba kandambu phala Suku kumana lamba lya muthu na muthu kukhanda ya Uñgana wendi. (Mateu 6:9, 10) Olusimbweli, Suku yokulaba na simeme ba bakumukenga na sili sa mbunge.—Vilinga 17:27; 2 Kolindu 1:3, 4.