LISAU 4

Kwasa Vathu Phala Kuziva Sivatu Watanga

Mateus 22:41-45

VYE WAFANYA KULUMBA: Leka se mukonda lya vikhi wa kutanga sivatu sasu.

Soka samboti ku vye wakuvyela. Andi ya kutanga simwe sivatu, soka ku vye wa kuvyela phala vathu kuziva momo sivatu se sileka vye wa kuvyela.

Avi nga wasola kuvyela wekha kukhanda ya simwe sivatu, zimbwila sili kukhanda ya sivatu sasu. Lihuli momo: ‘Yili akasoneka mukanda wasu? Yili akavyela zimbimbi zasu?’
Leka kwakuninga avye wali mu kuvyela vyali mu Bibilya. Mukuvyela na vathu va vezi kutava kali kwa Suku, valeki kwakuninga avye wakuvyela, vyali mu Bibilya. Mu kulumba vye, avu vakutava kwakuninga Bibilya, Mbimbi ya Suku.
Lumbisa vathu kusola kuziva. Uhasa kulumba momo: Lumba simwe sihulu, leka momo sivatu sa Bibilya wa kutanga sihasa kutava sihulu sasu; vyela kukhanda ya simwe sithombo, na momo sivatu sa Bibilya wa kutanga sihasa kutava; vyela kukhanda ya mana amoneka mu sivatu se wa kutanga.

Lihuli momo: ‘Vikhi vathu vazivi kali kukhanda ya sivatu se ni lowo kukhanda ya maka asu?’ Ola vathu vazivi samboti simwe sivatu wasola kutanga, vyela zimbimbi ze zivalumbisa kuhana matwi ku vye wakuvyela phala kutuva simwe suma sa uhi.