LISAU 6

Lombolola Sivatu Watanga

João 10:33-36

VYE WAFANYA KULUMBA: Tanga sivatu, lombolola kukhanda ya sivatu sasu andi ya kuya ku mbandu yikwawu.

Handula zimwe zimbimbi. Nga watanga simwe sivatu, nona zimwe zimbimbi zali kumuheka na vye wakuvyela. Uhasa kulumba momo: (1) Mu kutanga, weza mbimbi ku zimbimbi ze wa handula; (2) Lumba vihulu phala kukwasa vathu kuziva zimbimbi ze wa handula.

Nga wa vutuka mu kulombolola sivatu, ulivendeka phala kuwezi zimbimbi zavi. Vathu vafanya kuziva kwakuninga vyose wali mu kuvyela kukhanda ya sivatu sasu vyali kumuheka na vye wa meteka.
Vyela zimbimbi ze vathu vafanya kuzimbuluka. Lombolola momo zimbimbi za sivatu se zileka kukhanda ya maka wali mu kulonga.

Hose wa kumana kutanga sivatu sa Bibilya, kuyiziki. Amomo vathu va kuziva kwakuninga, avye wakuvyela vyakuvula mu Bibilya.
Lombolola samboti. Kuvyeli vyuma vye kavyesi kumuheka na vye wa kulonga. Phala kuziva vye wafanya kulombolola ni lowo, lihuli momo: ‘Vikhi vathu vazivi kali kukhanda ya maka asu?’